సైకిల్ గుర్తుపై రెండు ఓట్లు వేసి అభివృద్ధికి సహకరించండి : వై.వీ.బీ. రాజేంద్రప్రసాద్

ఉయ్యూరు మేజర్ న్యూస్ : జడ్పీటీసీ, ఎంపీటీసీ ఎన్నికల్లో సైకిల్ గుర్తుపై రెండు ఓట్లు వేసి గ్రామ, మండల అభివృద్ధికి సహకరించాలని టీడీపీ జాతీయ ఉపాధ్యక్షుడు వై.వీ.బీ. రాజేంద్రప్రసాద్ కాటూరు గ్రామ ప్రజలకు విజ్ఞప్తి చేశారు. ఉయ్యూరు మండలం కాటూరులో కూటమి అభ్యర్థుల తరఫున ఇంటింటి ప్రచారం నిర్వహించి, అనంతరం జరిగిన సభలో ఆయన మాట్లాడారు. మూడు దశాబ్దాలుగా తెలుగుదేశం పార్టీకి అంకితభావంతో పనిచేస్తూ ప్రజలకు సేవలందిస్తున్న వేమూరి శ్రీనివాస్‌ను ఎంపీటీసీగా గెలిపిస్తే ఎంపీపీగా గ్రామ అభివృద్ధికి కృషి చేస్తారని తెలిపారు. రెండో ఎంపీటీసీ స్థానానికి యుగ బాబును, జడ్పీటీసీ స్థానానికి కంభం రమేష్‌ను అత్యధిక మెజారిటీతో గెలిపించాలని కోరారు. ఈ కార్యక్రమంలో ఉమ్మడి కృష్ణాజిల్లా తెలుగు యువత మాజీ అధ్యక్షుడు రామినేని కుటుంబయ్య, టీడీపీ నాయకులు జంపన వీర శ్రీనివాస్, తెలుగు యువత అధ్యక్షుడు కోడి హరీష్, నేరెళ్ల గుప్త తదితరులు పాల్గొన్నారు.


స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.