వార్డుల అభివృద్ధికి అంకితభావంతో పనిచేయాలి : వై.వీ.బీ. రాజేంద్రప్రసాద్

ఉయ్యూరు మేజర్ న్యూస్ : ప్రజలు నమ్మకంతో అప్పగించిన బాధ్యతలను గుర్తించి, వార్డుల అభివృద్ధికి నూతన కౌన్సిలర్లు అంకితభావంతో పనిచేయాలని మాజీ ఎమ్మెల్సీ వై.వీ.బీ. రాజేంద్రప్రసాద్ సూచించారు. ఉయ్యూరు మున్సిపాలిటీలో నూతనంగా ఎన్నికైన కౌన్సిలర్లు బుధవారం ఆయన స్వగృహంలో మర్యాదపూర్వకంగా కలిసి ఎన్నికల్లో తమ విజయానికి సహకరించినందుకు కృతజ్ఞతలు తెలిపారు. ఈ సందర్భంగా రాజేంద్రప్రసాద్ వారిని అభినందించి శాలువాలతో సత్కరించారు. ప్రతి వార్డులోని సమస్యలను గుర్తించి పరిష్కారానికి కృషి చేయాలని, కూటమి ప్రభుత్వం అమలు చేస్తున్న సంక్షేమ, అభివృద్ధి పథకాలు అర్హులైన ప్రజలకు అందేలా చొరవ చూపాలని కోరారు. ఉయ్యూరు మున్సిపాలిటీ అభివృద్ధికి అందరూ సమన్వయంతో పనిచేయాలని సూచించారు. ఈ కార్యక్రమంలో నూతన కౌన్సిలర్లు బోర్ర సుబ్బారావు, పలియాల శ్రీనివాసరావు, రాజులపాటి ఫణికుమార్, జంపాన చినబాబు తదితరులు, టీడీపీ నాయకులు, కార్యకర్తలు పాల్గొన్నారు.


స్టాఫ్ రిపోర్టర్: ✍️ ప్రేమ్ రాజ్, పెనమలూరు నియోజకవర్గం, కృష్ణాజిల్లా.