andhrapradesh
పెనుగొల్లు సమీపంలో జాతీయ రహదారిపై ఘోరప్రమాదం!
విశాఖ-తుని జాతీయ రహదారిపై ఐషర్ వ్యాన్ దగ్ధం - తప్పిన పెను ప్రమాదం
ఎస్.రాయవరం, నవంబర్ 3, మేజర్ న్యూస్:
అనకాపల్లి జిల్లా ఎస్.రాయవరం మండలం పెనుగొల్లు సమీపంలో జాతీయ రహదారిపై ఘోర ప్రమాదం తప్పింది. విశాఖపట్నం నుంచి తుని వైపు వెళ్తున్న ఐషర్ వ్యాన్ ఒక్కసారిగా మంటల్లో చిక్కుకుంది. ఇంజిన్‌లో షార్ట్ సర్క్యూట్ కారణంగా మంటలు చెలరేగినట్లు ప్రాథమికంగా తెలుస్తోంది. మంటలను గమనించిన డ్రైవర్ అప్రమత్తమై వెంటనే వాహనాన్ని రోడ్డు పక్కన నిలిపి కిందకు దిగడంతో ప్రాణాపాయం తప్పింది. చూస్తుండగానే మంటలు వ్యాన్ మొత్తం వ్యాపించి పూర్తిగా దగ్ధమైంది. సమాచారం అందుకున్న పోలీసులు, అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు.
ఈ ప్రమాదం కారణంగా జాతీయ రహదారిపై కొద్దిసేపు ట్రాఫిక్‌కు అంతరాయం కలిగింది. కేసు నమోదు చేసి పోలీసులు దర్యాప్తు చేస్తున్నారు.
