పాస్టర్ల ఫెలోషిప్ అసోసియేషన్ సభ్యులతో నల్లమిల్లి మనోజ్ రెడ్డి సమావేశం.
కూటమి ప్రభుత్వ అభివృద్ధి, సంక్షేమ కార్యక్రమాలను వివరించి మద్దతు కోరిన టీడీపీ ఇంచార్జ్.
బిక్కవోలు, మేజర్ న్యూస్. స్థానిక సంస్థల ఎన్నికల నేపథ్యంలో అనపర్తి నియోజకవర్గంలో ఎన్నికల ప్రచార కార్యక్రమాలు కొనసాగుతున్నాయి. ఇందులో భాగంగా బిక్కవోలు మండల కేంద్రమైన బిక్కవోలులో మండల పాస్టర్స్ ఫెలోషిప్ అసోసియేషన్ సభ్యులతో అనపర్తి నియోజకవర్గ టీడీపీ ఇంచార్జ్ నల్లమిల్లి మనోజ్ రెడ్డి సమావేశమయ్యారు. ఈ సందర్భంగా పాస్టర్లతో ఆయన సమావేశమై కూటమి ప్రభుత్వానికి తమ మద్దతు తెలియజేయాలని కోరారు.
ఈ సందర్భంగా కూటమి ప్రభుత్వం అధికారంలోకి వచ్చిన రెండున్నర సంవత్సరాల కాలంలో చేపట్టిన అభివృద్ధి పనులు, అమలు చేస్తున్న సంక్షేమ కార్యక్రమాలను వివరించారు. ప్రభుత్వం చేపడుతున్న కార్యక్రమాలను ప్రజల్లోకి తీసుకెళ్లాలని, స్థానిక సంస్థల ఎన్నికల నేపథ్యంలో కూటమి అభ్యర్థులకు మద్దతుగా నిలవాలని పాస్టర్స్ ఫెలోషిప్ అసోసియేషన్ సభ్యులను కోరారు.ఈ సమావేశంలో బిక్కవోలు మండల పాస్టర్స్ ఫెలోషిప్ అసోసియేషన్ సభ్యులతో పాటు మండల జెడ్పీటీసీ అభ్యర్థి, ఎంపీటీసీ అభ్యర్థులు, కూటమి ముఖ్య నాయకులు పాల్గొన్నారు.
