జడ్పీటీసీ, ఎంపీటీసీ ఎన్నికలు–2026: పోలింగ్ సిబ్బంది కేటాయింపు పూర్తి.

రేణిగుంట మేజర్ న్యూస్: జడ్పీటీసీ, ఎంపీటీసీ ఎన్నికలు–2026 నిర్వహణలో భాగంగా పోలింగ్ సిబ్బంది కేటాయింపు ప్రక్రియను మంగళవారం కలెక్టరేట్‌లో నిర్వహించారు. ఎన్నికల పరిశీలకురాలు గౌరి సమక్షంలో ప్రిసైడింగ్ అధికారులు (పీఓలు), అసిస్టెంట్ ప్రిసైడింగ్ అధికారులు (ఏపీఓలు), ఇతర పోలింగ్ అధికారులు (ఓపీఓలు)కు సంబంధించి మూడో విడత రాండమైజేషన్ చేపట్టారు. ఈ ప్రక్రియ ద్వారా ఆయా పోలింగ్ సిబ్బందికి పోలింగ్ స్టేషన్లను కేటాయించారు. ఎన్నికల నిర్వహణలో పారదర్శకత, నిష్పక్షపాత విధానాలను పాటించేలా ఈ కేటాయింపు ప్రక్రియ చేపట్టినట్లు అధికారులు తెలిపారు.