కవిత ముందు కుటుంబం గురించి మాట్లాడాలి: భవాని రెడ్డి

సూర్య, తెలంగాణ బ్యూరో ప్రతినిధిః కాంగ్రెస్‌ పార్టీ ఎమ్మెల్సీ బల్మూరు వెంకట్‌ను ఎదుర్కొనే ధైర్యం లేక ఆయన కుటుంబం గురించి మాట్లాడటం సరికాదని టీపీసీసీ అధికార ప్రతినిధి భవాని రెడ్డి విమర్శించారు. బల్మూరు వెంకట్ లేవనెత్తిన ప్రశ్నలకు ముందుగా సమాధానం చెప్పాలని కవితకు సూచించారు. తుమ్మిడిహట్టి ప్రాజెక్టు విషయంలో గత బీఆర్ఎస్ ప్రభుత్వ నిర్ణయాల వల్లే రాష్ట్రానికి నష్టం జరిగిందని ఆరోపించారు. ప్రాజెక్టుపై కవిత తన తండ్రి కేసీఆర్‌ను ప్రశ్నించాలని అన్నారు. కరువు పరిస్థితులపై హరీశ్‌రావు అవగాహన లేకుండా మాట్లాడుతున్నారని విమర్శించారు. తమ ప్రభుత్వం అఖిలపక్ష సమావేశాలు నిర్వహిస్తూ ప్రతిపక్షాల సలహాలు, సూచనలు స్వీకరిస్తోందన్నారు. ప్రభుత్వ భూములను కాపాడటంతో పాటు ప్రజా సమస్యల పరిష్కారానికి సీఎం రేవంత్ రెడ్డి నిరంతరం కృషి చేస్తున్నారని, గల్ఫ్‌లో మరణించిన వారి కుటుంబాలకు కూడా ప్రభుత్వం అండగా నిలుస్తోందని భవాని రెడ్డి పేర్కొన్నారు.
ఎ.రవీందర్‌, హైదరాబాద్‌.