కష్టంలో అండగా నిలిచిన టెన్త్ క్లాస్ స్నేహం..*మాధురి చిన్నారి హార్ట్ సర్జరీకి రూ.40,000 సాయం*
సూర్య,అశ్వారావుపేట,అశ్వారావుపేట జిల్లా పరిషత్ పాఠశాలలో 2004-2005 పదవతరగతి స్నేహితులు మానవత్వం చాటుకున్నారు.స్నేహం అంటే కేవలం పాఠశాల రోజుల్లో కలిసి చదువుకోవడం, కలిసి నవ్వుకోవడం మాత్రమే కాదు.. కష్ట సమయంలో ఒకరికొకరు అండగా నిలబడటమే నిజమైన స్నేహమని టెన్త్ క్లాస్ స్నేహితులు మరోసారి నిరూపించారు.తమ టెన్త్ క్లాస్ స్నేహితురాలు మాధురి ఈరోజు తమ మధ్య లేకపోవడం అందరినీ ఎంతో బాధించింది. తల్లిని కోల్పోయిన ఆ చిన్నారి హార్ట్ సర్జరీ కోసం స్నేహితులందరూ కలిసి ముందుకు వచ్చారు.ఈ మేరకు స్నేహితులు అందరూ కలిసి సేకరించిన రూ.40,000 ఆర్థిక సహాయాన్ని ఈరోజు ఆ చిన్నారి కుటుంబానికి అందించారు.ఈ సహాయం కేవలం డబ్బు మాత్రమే కాదని, ఆ చిన్నారికి తాము ఇచ్చిన భరోసా, స్నేహితురాలి కుటుంబానికి అందించిన ఆత్మీయత అని స్నేహితులు తెలిపారు.
ఈ మంచి కార్యక్రమంలో తమ వంతుగా ఆర్థిక సహాయం అందించిన ప్రతి ఒక్కరికీ స్నేహితులు పేరుపేరునా హృదయపూర్వక ధన్యవాదాలు తెలిపారు.ఆ చిన్నారి హార్ట్ సర్జరీ విజయవంతంగా జరిగి, త్వరగా సంపూర్ణ ఆరోగ్యంతో కోలుకోవాలని మనస్ఫూర్తిగా కోరుకుంటున్నట్లు తెలిపారు.
సూర్య రిపోర్టర్ మునీర్ ఆర్ సి అశ్వరావుపేట