విద్యార్థినికి ఎమ్మెల్యే సన్మానం
నేటి దినపత్రిక సూర్య బ్యూరో రాజమహేంద్రవరంరాష్ట్ర మాక్ అసెంబ్లీకి ఎంపికైన కాండ్రేగుల లిఖితను పి. గన్నవరం ఎమ్మెల్యే గిడ్డి సత్యనారాయణ ఘనంగా సన్మానించి అభినందించారు. ఎమ్మెల్యే క్యాంపు కార్యాలయంలో జరిగిన ఈ కార్యక్రమంలో ఆయన మాట్లాడుతూ విద్యార్థి దశలోనే ప్రతిష్టాత్మక రాష్ట్రస్థాయి వేదికకు ఎంపిక కావడం ఆమె ప్రతిభ, నాయకత్వ లక్షణాలకు నిదర్శనమన్నారు. భవిష్యత్తులో మరిన్ని విజయాలు సాధించి పాఠశాలకు, తల్లిదండ్రులకు మంచి పేరు తీసుకురావాలని ఆకాంక్షించారు. ఈ కార్యక్రమంలో పాఠశాల ఉపాధ్యాయులు తదితరులు పాల్గొన్నారు.