BREAKING
అడవి ఆముదం గింజలు తిని 10 మంది విద్యార్థులు అస్వస్థత.. ఒకరి పరిస్థితి విషమం MLC మీర్జా రహమత్ బేగ్ బ్లాక్‌మెయిల్ కేసులో కీలక పరిణామం.. సల్మాన్ ఖాన్ అరెస్ట్, రిమాండ్ పంచాయతీ ఎన్నికలకు కూటమి సంసిద్ధం గెలుపు లక్ష్యంగా నాయకులకు దిశా నిర్దేశం - ఎమ్మెల్యే ముత్తుముల పూతలపట్టులో ఘనంగా 59వ జాతీయ గ్రంథాలయ వారోత్సవాలు అట్టహాసంగా 'అష్టదిగ్గజాలు' కవి సమ్మేళనం ప్రభుత్వ పాఠశాలలను సందర్శించి సమస్యలను అడిగి తెలుసుకున్న ఎంపీ భాష్యం రామకృష్ణ ముంపు ప్రాంత ప్రజలను సురక్షిత కేంద్రాలకు తరలించాలి: పవన్ కళ్యాణ్ అమరుల స్ఫూర్తితో.. విద్యార్థులకు వ్యాసరచన పోటీలు ప్రముఖ మలయాళ గాయని రిమి టోమి రెండో వివాహం, జిమ్ ట్రైనర్ లిబిన్ మాత్యుతో వైభవంగా పెళ్లి ఇంకొల్లు మండలంలో చివరి రోజు సర్పంచ్‌, వార్డు సభ్యులకు 228 నామినేషన్లు దాఖలు ఈనెల 20న, 259వ గీతాజ్ఞాన కర్పూర యజ్ఞం కోలాహలంగా రాచానుపల్లి వైసీపీ మద్దతు దారుడు, సర్పంచ్ అభ్యర్థి బండ అంజి యాదవ్ నామినేషన్ ఇంట్లోనే మద్యం దుకాణమా.. ఎక్సైజ్ అధికారుల నిర్లక్ష్యమా? అంధకారంలో పూతలపట్టు మండలంలోని వైఎస్ఆర్ కాలనీలు వీధి దీపాలు లేక ప్రజల నరకయాతన చీకట్లో విషపురుగుల భయం.. పట్టించుకోని అధికారులు పేదల సంక్షేమమే ప్రజా ప్రభుత్వ లక్ష్యం: ఎమ్మెల్యే కవ్వంపల్లి విద్యార్థినికి ఎమ్మెల్యే సన్మానం

ఇంట్లోనే మద్యం దుకాణమా.. ఎక్సైజ్ అధికారుల నిర్లక్ష్యమా?

Select Suryaa Now
ఇంట్లోనే మద్యం దుకాణమా.. ఎక్సైజ్ అధికారుల నిర్లక్ష్యమా?

 

గాజువాక, మేజర్ న్యూస్: జీవీఎంసీ 103వ వార్డు పరిధిలోని అగనంపూడి జనవాసాల మధ్య ఇటీవల ఏర్పాటు చేసిన మద్యం దుకాణం తీవ్ర వివాదాస్పదంగా మారింది. జాతీయ రహదారి నుంచి స్టీల్ జనరల్ ఆసుపత్రికి వెళ్లే ప్రధాన రహదారిలో, అగనంపూడి శ్మశానవాటిక ఎదురుగా ఉన్న వీఎంఆర్ కాంప్లెక్స్ పక్కనే 'ఆర్‌జీఎస్' పేరుతో ఈ వైన్ షాపును ప్రారంభించారు. చుట్టూ దట్టంగా నివాస గృహాలు ఉన్న ప్రాంతంలో, కనీసం వాణిజ్య భవనం (కమర్షియల్) కూడా కాకుండా ఏకంగా ఒక నివాస గృహంలోనే మద్యం దుకాణం తెరవడం పలు అనుమానాలకు తావిస్తోంది. అసలు ఇళ్ల మధ్యన వైన్ షాప్ ఏర్పాటు చేయడానికి లైసెన్స్ ఉందా? ఒకవేళ ఉన్నా ఆ లైసెన్స్ సరిగ్గా ఇదే ప్రాంతానికి కేటాయించారా? లేదా నిబంధనలకు విరుద్ధంగా ఒక నివాస గృహంలోనే దుకాణం పెట్టుకోవడానికి ఎక్సైజ్ అధికారులు అనుమతులు ఇచ్చారా? అనే ప్రశ్నలు స్థానికంగా తలెత్తుతున్నాయి. ఎటువంటి ప్రజాభిప్రాయ సేకరణ జరపకుండా సాగుతున్న ఈ వ్యవహారమంతా ఎక్సైజ్ అధికారులకు తెలిసే జరుగుతోందా? అన్న అనుమానాలను కాలనీవాసులు వ్యక్తం చేస్తున్నారు.

           జనవాసాల నడుమ ఈ మద్యం దుకాణం తెరవడంతో కేవలం పక్కనే ఉన్న వీఎంఆర్ కాంప్లెక్స్‌కు సినిమాలు, షాపింగ్ నిమిత్తం వచ్చే మహిళలు, కుటుంబ సభ్యులకే కాకుండా.. స్థానిక కాలనీవాసులు, చుట్టుపక్కల ప్రాంతాల ప్రజలందరికీ తీవ్ర అసౌకర్యం కలుగుతుందని స్థానికులు వాపోతున్నారు. నిత్యం రద్దీగా ఉండే ఈ మార్గంలో వైన్ షాప్ ఉండటం వల్ల రాకపోకలు సాగించేందుకు తాము తీవ్ర ఇబ్బందులు పడుతున్నామని వారు ఆవేదన వ్యక్తం చేస్తున్నారు. దీనికి తోడు భవిష్యత్తులో ఇక్కడ బార్ అండ్ రెస్టారెంట్ కూడా ఏర్పాటయ్యే అవకాశాలు ఉన్నాయని, అదే జరిగితే ప్రశాంతంగా ఉండే తమ నివాస ప్రాంతంలో శాంతిభద్రతల సమస్యలు తలెత్తుతాయని స్థానిక నివాసితులు భయాందోళన చెందుతున్నారు.

         ప్రజాభిప్రాయాన్ని పూర్తిగా విస్మరించి, నిబంధనలకు తూట్లు పొడుస్తూ నివాస గృహంలో ఏర్పాటు చేసిన ఈ మద్యం దుకాణంపై ఎక్సైజ్ ఉన్నతాధికారులు తక్షణమే స్పందించాలని స్థానికులు కోరుతున్నారు. క్షేత్రస్థాయిలో సమగ్ర విచారణ జరిపి, నిబంధనలకు విరుద్ధంగా ఉన్న ఈ వైన్ షాపు అనుమతులను రద్దు చేయాలని, ప్రజలకు ఇబ్బందికరంగా మారిన ఈ దుకాణాన్ని వెంటనే ఇక్కడి నుంచి తొలగించాలని కాలనీవాసులు ముక్తకంఠంతో డిమాండ్ చేస్తున్నారు.

 రిపోర్టర్ : పీ.కోటిరెడ్డి, గాజువాక ఇంచార్జ్, విశాఖపట్నం