ఈనెల 20న, 259వ గీతాజ్ఞాన కర్పూర యజ్ఞం
ఈనెల 20న, 259వ గీతాజ్ఞాన కర్పూర యజ్ఞం
భట్టిప్రోలు, మేజర్ న్యూస్:
మండల కేంద్రమైన భట్టిప్రోలులో నున్న సాధనమండలి బ్రహ్మ విద్యాశ్రమంలో చాతుర్మాస్య వ్రత దీక్షల సమాప్తం సందర్భంగా నవంబర్ 20, శుక్రవారం 259వ గీతాజ్ఞాన కర్పూర యజ్ఞం జరుగుతుందని ఆశ్రమ అధ్యక్షరాలు బూర్లే అరుణకుమారి మంగళవారం తెలిపారు. ఈ సందర్భంగా ఆమె మాట్లాడుతూ 20వ తేదీ ఉదయం సాధన మండల ఉపాధ్యక్షురాలు కోట సంధ్యారాణి శివన్నారాయణ లు జ్యోతి ప్రజ్వలనను చేసి కార్యక్రమాలను ప్రారంభిస్తారు అన్నారు. అనంతరం చిన్న జీయర్ స్వామి శిష్యులు అక్కినపల్లి తుకారాం విశిష్ట అతిథిగా విచ్చేస్తారన్నారు. గుంటూరు జిల్లా ఆర్యవైశ్య సంఘం అధ్యక్షులు చుండూరు ఉమామహేశ్వర రావు ముఖ్యఅతిథిగా విచ్చేసి ఈ కార్యక్రమంలో పాల్గొంటారని తెలిపారు. అనంతరం జరిగే కర్పూరయగ్నంలో అచ్యుత నాగ రమేష్- సంధ్యారాణి, పాలకుర్తి మనోహర్- మాధవి, కపిలవాయి శ్రీనివాసరావు- ఝాన్సీ రాణి దంపతులు పాల్గొంటారని ఆమె పేర్కొన్నారు. అనంతరం మధ్యాహ్నం దీపోత్సవం, తదనంతరం సమారాధన కార్యక్రమం జరుగుతుందని అరుణ కుమారి పేర్కొన్నారు.