ఇందిరమ్మ ఇంటి గృహప్రవేశంలో పాల్గొన్న కాంగ్రెస్ మండల అధ్యక్షుడు శాంత్ కుమార్

దోమ, మేజర్ న్యూస్: పేదల సొంతింటి కలను సాకారం చేయడమే లక్ష్యంగా కాంగ్రెస్ ప్రభుత్వం ఇందిరమ్మ ఇళ్ల పథకాన్ని అమలు చేస్తోందని కాంగ్రెస్ మండల పార్టీ అధ్యక్షుడు శాంత్ కుమార్ అన్నారు. దోమ మండల పరిధిలోని రాకొండ గ్రామంలో చాపల శ్రీనివాస్ నూతనంగా నిర్మించుకున్న ఇందిరమ్మ ఇంటి గృహప్రవేశ కార్యక్రమంలో ఆయన పాల్గొని లబ్ధిదారుల కుటుంబ సభ్యులకు శుభాకాంక్షలు తెలిపారు.ఈ సందర్భంగా శాంత్ కుమార్‌తో పాటు రాకొండ మాజీ సర్పంచ్ చాపల వెంకటయ్య, యువజన కాంగ్రెస్ అధ్యక్షుడు జి. శ్రీకాంత్ రెడ్డి, విద్యాసాగర్, నర్సప్ప తదితరులు నూతన గృహప్రవేశ వేడుకలో పాల్గొని కుటుంబ సభ్యులను అభినందించారు. ఎన్నో ఏళ్లుగా సొంతింటి కోసం ఎదురుచూస్తున్న పేద కుటుంబాలకు ఇందిరమ్మ ఇళ్ల పథకం ఎంతో ఉపయోగకరంగా నిలుస్తోందని స్థానిక నాయకులు పేర్కొన్నారు.తమ సొంతింటి కల నెరవేరడంతో లబ్ధిదారులు ఆనందం వ్యక్తం చేశారు. ఇందిరమ్మ ఇళ్ల పథకం ద్వారా తమకు సొంతింటిని అందించిన కాంగ్రెస్ ప్రభుత్వానికి, ముఖ్యమంత్రి రేవంత్ రెడ్డికి, తమకు అండగా నిలిచిన పరిగి ఎమ్మెల్యే డాక్టర్ టి. రామ్మోహన్ రెడ్డికి ప్రత్యేక కృతజ్ఞతలు తెలిపారు. ఈ సందర్భంగా స్థానిక నాయకులను, ప్రజాప్రతినిధులను లబ్ధిదారులు ఘనంగా సన్మానించి కృతజ్ఞతలు తెలియజేశారు.ఈ కార్యక్రమంలో గ్రామ కాంగ్రెస్ నాయకులు కొత్త చంద్రయ్య, చాపల శ్రీనివాస్, గోపాల్ రెడ్డి, గ్రామస్తులు, తదితరులు పాల్గొన్నారు.