పంటల బీమా నమోదు సద్వినియోగం చేసుకోవాలి - మండల వ్యవసాయ అధికారి కిషోర్ బాబు

 ఆత్మకూరు, మేజర్ న్యూస్:  ఆత్మకూరు మండలంలోని పంటలు సాగు చేసిన, చేయబోతున్న రైతులు పంటల బీమా పథకాన్ని సద్వినియోగం చేసుకోవాలని మండల వ్యవసాయ అధికారి కే. కిషోర్ బాబు కోరారు. ఆయన బుధవారం మండలంలోని కరటంపాడు, బోయళ్ళ చిరువెళ్ల గ్రామాల్లో పొలం పిలుస్తోంది కార్యక్రమాన్ని నిర్వహించారు.ఈ సందర్భంగా క్షేత్ర పరిశీలన గావించారు.అనంతరం కిషోర్ బాబు మాట్లాడుతూ ప్రస్తుత రభీ సీజన్లో వరి, పచ్చిశనగ, మినుము, వేరుశనగ,పెసర సాగుచేసిన మరియు చేయబోతున్న రైతులు తప్పకుండా పంటల బీమా నమోదు చేసుకోవాలని సూచించారు. ప్రధానమంత్రి ఫసల్ బీమా యోజన పథకం ద్వారా రైతులు పంటల బీమా నమోదు చేసుకోవాలన్నారు. వరి పంటకు 168 రూపాయలు, పచ్చిశనగకు 56 రూపాయలు, మినుముకు 38 రూపాయలు, వేరుశనగకు 60 రూపాయలు,పెసర పంటకు 36 రూపాయలు చెల్లించి నమోదు చేసుకోవాలన్నారు. ఎల్ నినో వాతావరణం లేదా కరువు లేదా అధిక వర్షం ఇంకా ఇతర ప్రకృతి వైపరీత్యాల వలన పంట దిగుబడి తగ్గిన నష్టపోయిన భీమా రక్షణ పొందే అవకాశం ఉంటుందని ఆయన పేర్కొన్నారు. డిసెంబర్ 31వ తేదీలోగా వరి రైతులు, డిసెంబర్ 15 లోగా ఇతర పంటల రైతులు పంటల బీమా నమోదు చేసుకోవాలని కిషోర్ బాబు సూచించారు. రైతులు వరికి ప్రత్యామ్నాయంగా ఆరుతడి పంటలైన మొక్కజొన్న, వేరుశనగ,వర్షాధారంగా జొన్న,పెసర,నువ్వుసాగు చేసుకోవాలని ఆయన సూచించారు. ఈ కార్యక్రమంలో వి ఏ ఏ లు ఎస్ మంజుల,లక్ష్మీలహరి, రెండు గ్రామాల రైతులు తదితరులు పాల్గొన్నారు.