జయచంద్రకు ఉత్తమ ప్రిన్సిపాల్ అవార్డు

ఎడ్యుకేషన్ స్టాఫ్ రిపోర్టర్ : కరకంబాడి రోడ్డులోని శ్రీరామ అటానమస్ ఇంజనీరింగ్ కళాశాల ప్రిన్సిపాల్ డాక్టర్ కే. జయచంద్రకు జేఎన్టీయూ ఉత్తమ ప్రిన్సిపాల్ అవార్డును ప్రధానం చేసింది. అనంతపురంలోని జేఎన్టీయూలో బుధవారం జరిగిన ప్రత్యేక కార్యక్రమంలో ఆయన వీసీ సుదర్శన రావు చేతుల మీదుగా ఈ అవార్డుతో పాటు నగదు బహుమతిని అందుకున్నారు. ఈ సందర్భంగా శ్రీరామ కళాశాల ఛైర్మన్ మన్నెం రామిరెడ్డి మాట్లాడుతూ 16 సంవత్సరాలు గా డాక్టర్ జయచంద్ర తమ కళాశాలలో ప్రిన్సిపాల్ విధులు నిర్వహిస్తూ కళాశాల ఎదుగుదలతో పాటు విద్యార్థుల భవిష్యత్తుకు ఎంతో కృషి చేశారని కొనియాడారు. విద్యారంగంలో వారు చేస్తున్న కృషిని గుర్తించి యూనివర్సిటీ ఉత్తమ ప్రిన్సిపాల్ అవార్డును అందించడం హర్షనీయమన్నారు. కళాశాల సెక్రటరీ మన్నెం రామసుబ్బారెడ్డి, డైరెక్టర్ మన్నెం అరవింద్ కుమార్ రెడ్డిలు మాట్లాడుతూ ఈ అవార్డు కళాశాలకు ఎంతో గర్వకారణమని, భవిష్యత్తులో మరిన్ని ఉన్నత విజయాలు సాధించాలని ఆకాంక్షించారు. కళాశాల బోధన బోధనేతర సిబ్బంది ప్రిన్సిపల్ ను అభినందించారు.

సీఎం గౌడ్ తిరుపతి స్టాప్ రిపోర్టర్