రీ సర్వే ప్రక్రియను సమర్థవంతంగా నిర్వహించండి

తిరుపతి బ్యూరో, మేజర్ న్యూస్ :తిరుపతి జిల్లాలో జరుగుతున్న రీ సర్వే ప్రక్రియను సమర్థవంతంగా నిర్వహించాలని ఆంధ్రప్రదేశ్ ల్యాండ్ అడ్మినిస్ట్రేషన్, రెవెన్యూ శాఖ ప్రత్యేక ప్రధాన కార్యదర్శి (స్పెషల్ సీఎస్) జి.జయలక్ష్మి సంబందిత అధికారులను ఆదేశించారు. 
బుధవారం ఉదయం ఏపీ సచివాలయంలోని కాన్ఫరెన్స్ హాల్ నుంచి రాష్ట్ర అభివృద్ధి కార్యక్రమాల పైన ఆంధ్రప్రదేశ్ ల్యాండ్ అడ్మినిస్ట్రేషన్, రెవెన్యూ శాఖ ప్రత్యేక ప్రధాన కార్యదర్శి (స్పెషల్ సీఎస్) సమీక్షా సమావేశం నిర్వహించారు. ఈ వీడియోకు జిల్లా కలెక్టరేట్ మినీ విసి హాల్ నుండి జిల్లా జాయింట్ కలెక్టర్ ఆర్.గోవిందరావు, డిఆర్ఓ జి.నరసింహులు, తదితరులు పాల్గొన్నారు.   ఈ సందర్భంగా భూపరిపాలన, రెవెన్యూలకు సంబందించి 22 ఏ, వెబ్ ల్యాండ్, రీ సర్వే, మాన్యువల్ రెవెన్యూ రికార్డుల డిజిటలైజేషన్, ఐవిఆర్ఎస్, ఐవిఆర్ఎస్ తదితర అంశాల పై ఆంధ్రప్రదేశ్ ల్యాండ్ అడ్మినిస్ట్రేషన్ ప్రధాన కార్యదర్శి దిశా నిర్దేశం చేశారు. వెబ్ ల్యాండింగ్ కు సంబంధించి ప్రక్రియ వేగవంతం చేశామని, పట్టాదారు పాసు పుస్తకాల పంపిణీ కి సంబంధించి 38 సైకిల్స్ ఇప్పటికే పూర్తయి అయ్యాయని, మరో 37 పనులు పూర్తి చేసేందుకు సిద్ధంగా ఉన్నామని, మొత్తం 75 పనులు పూర్తి చేసేందుకు లక్ష్యం నిర్దేశించుకున్నామని జాయింట్ కలెక్టర్ వివరించారు.    
 
Raaju బ్యూరో తిరుపతి జిల్లా