వైయస్‌ జగన్‌ను కలిసిన అనంతపురం మేయర్ సి.రమేష్‌ గౌడ్‌ : ప్రత్యేకంగా అభినందించిన మాజీ ముఖ్యమంత్రి : హాజరైన ఎంపీ మిథున్ రెడ్డి,మాజీ ఎమ్మెల్సీ బి.నరేష్ కుమార్ రెడ్డి
మదనపల్లి రూరల్,మేజర్ న్యూస్ : అనంతపురం నగర మేయర్‌గా ఎన్నికైన సి.రమేష్‌ గౌడ్‌ తాడేపల్లిలోని వైఎస్సార్‌సీపీ కేంద్ర కార్యాలయంలో మాజీ ముఖ్యమంత్రి,వైఎస్సార్‌ కాంగ్రెస్‌ పార్టీ అధ్యక్షుడు వై.యస్‌ జగన్‌మోహన్‌రెడ్డిని మర్యాదపూర్వకంగా కలిశారు.ఈ సందర్భంగా నూతన మేయర్ రమేష్‌ గౌడ్‌ను వైయస్‌ జగన్‌ అభినందించి శుభాకాంక్షలు తెలిపారు.అనంతపురం నగర ప్రజలు తనపై,వైఎస్సార్‌ కాంగ్రెస్‌ పార్టీపై ఉంచిన నమ్మకాన్ని నిలబెట్టుకోవాలని,నిరంతరం ప్రజలకు అందుబాటులో ఉంటూ వారి సమస్యల పరిష్కారానికి చిత్తశుద్ధితో కృషి చేయాలని రమేష్‌ గౌడ్‌కు వైయస్‌ జగన్‌ సూచించారు.ప్రజల పక్షాన నిలబడుతూ నగరాభివృద్ధికి ప్రాధాన్యతనివ్వాలని,అన్ని వర్గాల ప్రజలను కలుపుకొని ముందుకు సాగాలని దిశానిర్దేశం చేశారు.అధికార కూటమి శ్రేణులు ఎన్ని కుట్రలు,ప్రలోభాలు,బెదిరింపులకు పాల్పడిన వాటికి వెరవకుండా వైఎస్సార్‌ కాంగ్రెస్‌ పార్టీకి అండగా నిలిచిన అనంతపురం నగర ప్రజల విశ్వాసాన్ని నిలబెట్టుకోవాల్సిన బాధ్యత ప్రతి ప్రజాప్రతినిధిపైనా ఉందని పేర్కొన్నారు.అలాంటి ప్రజలకు సేవచేసే గొప్ప అవకాశం లభించిందని,వారి ఆకాంక్షలకు అనుగుణంగా పనిచేస్తూ మంచిపేరు తెచ్చుకోవాలని,రాజకీయం గా మరింత ఉన్నత స్థాయికి ఎదగాలని రమేష్‌ గౌడ్‌ను ఆశీర్వదించారు.ఈ సందర్భంగా రమేష్‌ గౌడ్‌ మాట్లాడుతూ తనపై నమ్మకం ఉంచి మేయర్‌గా అవకాశం కల్పించిన వైయస్‌ జగన్‌కు ప్రత్యేక కృతజ్ఞతలు తెలిపారు.తన రాజకీయ ప్రస్థానంలో అండగా నిలిచిన వైఎస్సార్‌ కాంగ్రెస్‌ పార్టీ సీనియర్ నాయకులు,పార్టీ కార్యకర్తలు,శ్రేణులు,అనంతపురం నగర ప్రజలకు ఎప్పటికీ రుణపడి ఉంటానని పేర్కొన్నారు.తనకు లభించిన అవకాశాన్ని బాధ్యతగా భావించి,ప్రజల సమస్యల పరిష్కారానికి,నగరాభివృద్ధికి అంకితభావంతో పనిచేస్తానని తెలిపారు.ఈ సందర్భంగా రమేష్‌ గౌడ్‌ కుటుంబ సభ్యులు కూడా వైయస్‌ జగన్‌ను కలిశారు.ఈ కార్యక్రమంలో ఎంపీ పెద్దిరెడ్డి మిథున్‌రెడ్డి,పార్టీ సీనియర్ నాయకులు అనంత వెంకట్రామిరెడ్డి,సాకే శైలజానాథ్‌,తలారి రంగయ్య,నరేష్ కుమార్ రెడ్డి తదితరులు పాల్గొన్నారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి
