‘పీపీపీ’ ముసుగులో మెడికల్ కాలేజీల ప్రైవేటీకరణ

అమరావతి :ఆంధ్రప్రదేశ్ ప్రభుత్వం చేపట్టిన ప్రభుత్వ మెడికల్ కాలేజీల నిర్మాణం, నిర్వహణపై వైఎస్సార్‌సీపీ అధినేత, మాజీ సీఎం వైఎస్ జగన్‌మోహన్ రెడ్డి తీవ్రస్థాయిలో మండిపడ్డారు. పేదలకు నాణ్యమైన ఉచిత వైద్యాన్ని అందించేందుకు ఉద్దేశించిన వైద్య కళాశాలలను కూటమి ప్రభుత్వం ‘పీపీపీ’ (పబ్లిక్ ప్రైవేట్ పార్టనర్‌షిప్) ముసుగులో ప్రైవేట్ వ్యక్తులకు దారాదత్తం చేస్తోందని ఆయన ఆరోపించారు.

తమ హయాంలో రాష్ట్రవ్యాప్తంగా ఒకేసారి 17 కొత్త ప్రభుత్వ మెడికల్ కాలేజీల నిర్మాణానికి శ్రీకారం చుట్టామని, వాటిలో 5 కాలేజీల నిర్మాణం పూర్తి చేసి అందుబాటులోకి తెచ్చామని, మరో 3 కాలేజీల్లో తరగతులు ప్రారంభించేందుకు సిద్ధం చేశామని జగన్ గుర్తుచేశారు. వైద్య రంగాన్ని లాభాపేక్ష కలిగిన వ్యాపారంగా మార్చేందుకే చంద్రబాబు ప్రభుత్వం ఈ నిర్ణయాన్ని తీసుకుందని ఆయన విమర్శించారు.