స్వచ్ఛ భారత్ అవార్డుల్లో 6 పురస్కారాలు కైవసం చేసుకున్న ఏపీ

న్యూఢిల్లీ :కేంద్ర ప్రభుత్వం ప్రకటించిన 24 స్వచ్ఛ భారత్ అవార్డుల్లో ఆంధ్రప్రదేశ్ రాష్ట్రం 6 అవార్డులను కైవసం చేసుకుని జాతీయ స్థాయిలో సత్తా చాటింది. వివిధ జనాభా కేటగిరీల ప్రాతిపదికన ఏపీ నగరాలు పరిశుభ్రతలో అగ్రస్థానంలో నిలిచాయి. 10 లక్షలకు పైగా జనాభా విభాగంలో విజయవాడ, విశాఖపట్నం అవార్డులు సాధించగా, 3 లక్షల నుంచి 10 లక్షల జనాభా విభాగంలో గుంటూరు, రాజమండ్రి పురస్కారాలు దక్కించుకున్నాయి. అలాగే 50 వేల నుంచి 3 లక్షల జనాభా కేటగిరీలో తిరుపతి, 20 వేల నుంచి 50 వేల జనాభా విభాగంలో కుప్పం మున్సిపాలిటీ స్వచ్ఛ భారత్ అవార్డులకు ఎంపికయ్యాయి. చెత్త రహిత నగరాలుగా తీర్చిదిద్దడంలో, వ్యర్థాల సమర్థ నిర్వహణలో సాధించిన పురోగతికి గానూ ఏపీకి ఈ పురస్కారాలు దక్కాయి.