స్వచ్ఛ సిటీగా రాజమహేంద్రవరం

నేటి దినపత్రిక సూర్య బ్యూరో రాజమహేంద్రవరంరాజమండ్రి నగరం పరిశుభ్రతలో మరోసారి సత్తా చాటింది. స్వచ్ఛ సర్వేక్షణ్ 2025-26 అవార్డులలో 3-10 లక్షల్లోపు జనాభా కేటగిరీలో నగరం జాతీయ పురస్కారాన్ని కైవసం చేసుకుంది. ఈ మేరకు న్యూఢిల్లీలోని విజ్ఞాన్ భవన్‌లో బుధవారం జరిగిన అవార్డుల ప్రదానోత్సవ వేడుకలలో రాష్ట్రపతి ద్రౌపది ముర్ము గారి చేతులమీదుగా రాష్ట్ర మున్సిపల్ అడ్మినిస్ట్రేషన్ & అర్బన్ డెవలప్‌మెంట్ శాఖ మంత్రి పొంగూరు నారాయణ, మున్సిపల్‌ పరిపాలన శాఖ ముఖ్య కార్యదర్శి ఎస్‌. సురేష్‌ కుమార్, స్వచ్ఛ ఆంధ్ర కార్పొరేషన్ చైర్మన్‌ కొమ్మారెడ్డి పట్టాభిరామ్, కమిషనర్ రాహుల్ మీనా ఈ అవార్డును అందుకున్నారు. 2024-25 స్వచ్ఛ సర్వేక్షణ్ అవార్డులలోనూ రాజమండ్రి నగరాన్ని ప్రతిష్టాత్మక ప్రామిసింగ్ స్వచ్ఛ షెహర్ అవార్డు వరించగా.. ఈ ఏడాది స్వచ్ఛ సిటీ కేటగిరీలో అవార్డును సొంతం చేసుకుంది.