పొన్నూరు మండలం సీతారాంపురం స్వర్ణ గ్రామంలో కేంద్ర, రాష్ట్ర అధికారుల పర్యటన

 పొన్నూరు మేజర్ న్యూస్ :-పొన్నూరు మండలం లో స్వర్ణ గ్రామంగా ఎంపికైన సీతారాంపురం గ్రామంలో నిర్వహించిన శిబిరాన్ని కేంద్ర రాష్ట్ర స్థాయి అధికారులు సందర్శించి పలు అభివృద్ధి వైద్య సేవలను క్షేత్రస్థాయిలో పరిశీలించారు.ఈ కార్యక్రమంలో నేషనల్ ఇన్స్టిట్యూట్ ఆఫ్ రూరల్ డెవలప్మెంట్ అండ్ పంచాయతీరాజ్ సలహాదారులు  సంపా బాసు, పంచాయతీరాజ్ మంత్రిత్వ శాఖ, భారత ప్రభుత్వం అసిస్టెంట్ సెక్షన్ ఆఫీసర్  అనూరాధ పంచాయతీరాజ్ కమిషనర్  ఓఎస్డీ త్రినాథ్ రెడ్డి కమిషనర్ కార్యాలయ అసిస్టెంట్ డైరెక్టర్  డి. మల్లేశ్వరి జిల్లా పంచాయతీ అధికారి బి.వి. నాగ సాయికుమార్, డిప్యూటీ సీఈవో కృష్ణ, డిప్యూటీ డీఎం అండ్ హెచ్ఓ  ఇ. అన్నపూర్ణ, పాండ్రపాడు వైద్యాధికారి  పి. హేమలత, గుంటూరు డీఎల్డీవో  తూమాటి సుధారాణి, తెనాలి డీఎల్పీవో  వి. స్వరూపరాణి  మండల పరిషత్ అభివృద్ధి అధికారి గుమ్మా చంద్రశేఖర రావు, సీడీపీవో  సి.హెచ్. ఉమామహేశ్వరి, డిప్యూటీ ఎంపీడీవో వేముల శ్రీనివాసరావు, ఏపీవో సుభాషిణి, ఏపీఎం జోజిబాబు పాల్గొన్నారు.శిబిరంలో ముందుగా జాతిపిత మహాత్మా గాంధీ, భారత రాజ్యాంగ నిర్మాత డాక్టర్ బి.ఆర్. అంబేద్కర్  చిత్రపటాలకు  పూలమాలలు వేసి నివాళ్ళు అర్పించారు . అనంతరం సీతారాంపురంకు సంబంధించి ఏర్పాటు చేసిన ఎగ్జిబిషన్ ఫోటోలు, వివిధ శాఖల స్టాల్స్, అంగన్వాడీ కేంద్రాన్ని సందర్శించి ప్రజలతో ముఖాముఖి కార్యక్రమం నిర్వహించారు.తదుపరి సచ్చరథం, తల్లి బిడ్డ ఎక్స్ ప్రెస్, 104, 108, సంచార పశు వైద్యశాల ద్వారా అందుతున్న సేవల గురించి అధికారులు అడిగి తెలుసుకున్నారు. ఆయుష్మాన్ ఆరోగ్య మందిర్ ను సందర్శించి ప్రజలకు అందుతున్న అధునాతన వైద్య సేవలను పరిశీలించారు. "మీ గ్రామం మా బాధ్యత" అనే నినాదాన్ని విధానంగా చేసుకుని వైద్య సిబ్బంది అందిస్తున్న సేవలపై సంతృప్తి వ్యక్తం చేశారు.యోగా కేంద్రాన్ని సందర్శించి మిడ్ లెవెల్ హెల్త్ ప్రొవైడర్ ఆధ్వర్యంలో గ్రామస్తులు చేసిన యోగాసనాలను పరిశీలించారు. గ్రీన్ అంబాసిడర్లను వ్యర్థాల సేకరణ గురించి అడిగి తెలుసుకున్నారు. ఆయుర్వేద వనాన్ని పరిశీలించి అందించిన మొక్కల గురించి వివరాలు తెలుసుకున్నారు.అనంతరం "మీ ఆరోగ్యం మా బాధ్యత" కింద అందుతున్న వైద్య సేవలను క్షేత్రస్థాయిలో గృహాలను సందర్శించి ప్రజల నుంచి స్వయంగా అడిగి తెలుసుకున్నారు. వీబీజీ రామ్ జీ పథకం కింద వ్యక్తిగతంగా నిర్మించుకున్న సోక్ పిట్స్ ను పరిశీలించారు. ఆయుష్మాన్ ఆరోగ్య మందిర్ సిబ్బంది, స్వర్ణ గ్రామ సిబ్బంది నిర్వహిస్తున్న పలు రికార్డులను తనిఖీ చేసి సంతృప్తి వ్యక్తం చేశారు.

 పొన్నూరు నేటి దినపత్రిక సూర్య రిపోర్టర్ :- శిలార్