మహా పాదయాత్రకు కదలిరండి - 18న కరీంనగర్‌లో బండి సంజయ్ ఆధ్వర్యంలో యాత్ర
సూర్య - మానకొండూర్: కేంద్ర హోంశాఖ సహాయ మంత్రి, కరీంనగర్ ఎంపీ బండి సంజయ్ కుమార్ ఆధ్వర్యంలో ఈ నెల 18న చేపట్టనున్న మహా పాదయాత్రను విజయవంతం చేయాలని బీజేపీ నాయకులు పిలుపునిచ్చారు. ఈ పాదయాత్రకు పార్టీ జాతీయ అధ్యక్షుడు నితిన్ నవీన్ ముఖ్య అతిథిగా హాజరుకానున్న నేపథ్యంలో, బుధవారం మానకొండూరు మండల కేంద్రంలోని పద్మావతి ఫంక్షన్ హాల్‌లో పార్టీ మండల సన్నాహక సమావేశాన్ని నిర్వహించారు. బీజేపీ మండల అధ్యక్షుడు కంది రాజిరెడ్డి అధ్యక్షతన జరిగిన ఈ సమావేశంలో నాయకులు మాట్లాడుతూ.. మండలం నుంచి భారీ సంఖ్యలో కార్యకర్తలు, ప్రజలు తరలివచ్చి యాత్రను విజయవంతం చేయాలని కోరారు. జన సమీకరణ, రవాణా ఏర్పాట్లపై దిశానిర్దేశం చేశారు. ప్రతి ఒక్కరూ సమన్వయంతో పనిచేసి కార్యక్రమాన్ని జయప్రదం చేయాలని సూచించారు.ఈ సమావేశంలో సెంట్రల్ ఫిలిం బోర్డ్ మెంబర్, ఉప సర్పంచ్ రాపాక ప్రవీణ్, శంషాబాద్ ఉప సర్పంచ్ డొల్ల సతీష్, మండల ప్రధాన కార్యదర్శులు భాషబోయిన ప్రదీప్ యాదవ్, శీలం కుమార్, సీనియర్ నాయకులు సొన్నకుల శ్రీనివాస్, మండల ఉపాధ్యక్షులు పోచంపల్లి శ్రీనివాస్, మీస రమణయ్య, కార్యదర్శులు కోల శ్రీనివాస్, రావుల తిరుపతి, ఆరపెల్లి సునంద్, కిసాన్ మోర్చా మండల అధ్యక్షుడు అడప రవి, తదితరులు హాజరయ్యారు.
