telangana
గోమాత సేవతో హిందూ సంప్రదాయాలకు గౌరవం
సూర్య,కాగజ్నగర్: హిందూ సంస్కృతిలో గోమాతకు విశిష్టమైన స్థానం ఉందని, గోవులను పూజించడం, సంరక్షించడం మన సంప్రదాయంలో భాగమని చాటిచెప్పేలా కాగజ్నగర్ పట్టణంలోని త్రిశూల్ పహాడ్పై ఉన్న శ్రీకృష్ణ గోశాలను ప్రిన్సిపల్ జూనియర్ సివిల్ జడ్జి, కొమురం భీం ఆసిఫాబాద్ మరియు సిర్పూర్ కోర్టు ఇన్చార్జి శ్రీమతి అనంతలక్ష్మి సోమవారం సందర్శించారు. ఈ సందర్భంగా గోవులకు పండ్లు, పచ్చగడ్డి తినిపించి గోసేవ నిర్వహించారు.అనంతరం గోశాల నిర్వహణపై పలు సూచనలు చేశారు. గోమాతను పూజించడం మాత్రమే కాకుండా, వాటిని ప్రేమతో సంరక్షించడం, ఆహారం అందించడం, సేవ చేయడం ప్రతి ఒక్కరి బాధ్యత అని చాటిచెప్పేలా ఆమె గోసేవలో పాల్గొన్నారు. అనంతరం అక్కడి హనుమాన్ విగ్రహంతో పాటు దుర్గామాత, రమా సత్యనారాయణ స్వామి ఆలయాలను దర్శించుకుని ప్రత్యేక పూజలు నిర్వహించారు.ఈ కార్యక్రమంలో ఎస్సై వెంకన్న గౌడ్, శ్రీకృష్ణ గోశాల కమిటీ అధ్యక్షుడు సూర పరమేశ్వర్ రావు, ప్రధాన కార్యదర్శి పోతురాజుల లక్ష్మణ్, సహ కార్యదర్శి పోలోజు శ్రీనివాస్, సభ్యులు అరుణ్ అగర్వాల్, ప్రసాద్, సత్యనారాయణ, రమేష్, శివప్రసాద్, హరిప్రసాద్, వరప్రసాద్, శంకరయ్య, మధుసూదన్ తదితరులు పాల్గొన్నారు.