గ్రామ పంచాయతీ 2వ సాధారణ ఎన్నికలు - 2026 రెండవ విడత ఎన్నికల షెడ్యూల్ విడుదల..* *జిల్లా కలెక్టర్ / జిల్లా ఎన్నికల అధికారి డా.ఏ.సిరి*
కర్నూలు, నవంబర్ 16 :- ఆంధ్రప్రదేశ్ రాష్ట్ర ఎన్నికల సంఘం గ్రామ పంచాయతీ 2వ సాధారణ ఎన్నికలు - 2026 రెండవ విడత ఎన్నికల షెడ్యూల్ ను విడుదల చేసిందని, కర్నూలు జిల్లాలో రెండవ విడతలో 9 మండలాల్లో గ్రామ పంచాయతీ ఎన్నికలు నిర్వహించడం జరుగుతుందని జిల్లా కలెక్టర్ / జిల్లా ఎన్నికల అధికారి డా.ఏ.సిరి తెలిపారు.
*ఎన్నికల షెడ్యూల్ వివరాలు:*
- *నవంబర్ 18–20:* నామినేషన్ల స్వీకరణ.
- *నవంబర్ 21:* ఉదయం 8 గంటల నుంచి నామినేషన్ల పరిశీలన.
- *నవంబర్ 22:* సాయంత్రం 5 గంటల వరకు తిరస్కరించిన నామినేషన్లపై అప్పీళ్లకు అవకాశం.
- *నవంబర్ 23:* అప్పీళ్ల పరిష్కారం.
- *నవంబర్ 24:* మధ్యాహ్నం 3 గంటల వరకు నామినేషన్ల ఉపసంహరణకు అవకాశం.
- *నవంబర్ 24:* మధ్యాహ్నం 3 గంటల అనంతరం పోటీలో ఉన్న అభ్యర్థుల తుది జాబితా ప్రకటన.
- *నవంబర్ 29:* ఉదయం 7 గంటల నుంచి మధ్యాహ్నం 1 గంట వరకు పోలింగ్.
- *నవంబర్ 29:* మధ్యాహ్నం 2 గంటల నుంచి ఓట్ల లెక్కింపు, ఫలితాల ప్రకటనతో పాటు ఉపసర్పంచ్ ఎన్నిక నిర్వహణ.
- *నవంబర్ 30:* అవసరమైన ప్రాంతాల్లో రీపోలింగ్, అనంతరం ఫలితాల ప్రకటన.
*కర్నూలు జిల్లాలో రెండవ విడతలో గ్రామ పంచాయతీ ఎన్నికలు జరిగే మండలాల వివరాలు :*
-కర్నూలు జిల్లాలో రెండవ విడతలో గ్రామ పంచాయతీ ఎన్నికలు మొత్తం 9 మండలాల్లో జరగనున్నాయని, ఆదోని రెవెన్యూ డివిజన్ పరిధిలోని కోసిగి, కౌతాళం, మంత్రాలయం, పెద్దకడబూరు, గోనెగండ్ల, నందవరం, ఎమ్మిగనూరు మండలాలు, కర్నూలు రెవెన్యూ డివిజన్ లోని కల్లూరు, ఓర్వకల్లు మండలాల్లో గ్రామ పంచాయతీ ఎన్నికలు జరగనున్నాయని కలెక్టర్ తెలిపారు