ప్రపంచంలోని టాప్ శాస్త్రవేత్తల జాబితాలో చోటు సంపాదించిన డా. శైలేష్ వి. శ్రీఖండే
తిరుపతి రెవెన్యూ మేజర్ న్యూస్
ప్రపంచంలోని టాప్ శాస్త్రవేత్తల జాబితాలో చోటు సంపాదించిన డా. శైలేష్ వి. శ్రీఖండే .
తిరుపతి: టాటా క్యాన్సర్ కేర్ ఫౌండేషన్ ముఖ్య కార్యనిర్వహణాధికారి, శ్రీ వెంకటేశ్వర క్యాన్సర్ వైద్య, పరిశోధనా సంస్థ (SVICCAR)తో అనుబంధం కలిగిన ప్రముఖ క్యాన్సర్ శస్త్రచికిత్స నిపుణులు ప్రొఫెసర్ డాక్టర్ శైలేష్ వి. శ్రీఖండే అంతర్జాతీయ స్థాయిలో అరుదైన గుర్తింపు లభించింది.
స్టాన్ఫోర్డ్ విశ్వవిద్యాలయం, ఎల్సెవియర్ సంస్థలు కలిసి ప్రకటించిన 2026 సంవత్సరానికి సంబంధించిన ప్రపంచంలోని అత్యుత్తమ 2% శాస్త్రవేత్తల జాబితాలో ఆయనకు స్థానం దక్కింది. క్యాన్సర్ చికిత్స, పరిశోధన రంగాల్లో ఆయన చేసిన విశేష కృషికి ఈ గుర్తింపు లభించింది.
డాక్టర్ శ్రీఖండే భారతదేశంలోని ప్రముఖ క్యాన్సర్ శస్త్రచికిత్స నిపుణుల్లో ఒకరు. ముఖ్యంగా క్లోమగ్రంథి (ప్యాంక్రియాస్) క్యాన్సర్, జీర్ణవ్యవస్థకు సంబంధించిన క్యాన్సర్లకు క్లిష్టమైన శస్త్రచికిత్సలు చేయడంలో ఆయనకు మంచి అనుభవం ఉంది. క్యాన్సర్ చికిత్స, వైద్య పరిశోధనలు, వైద్య విద్య రంగాల్లో ఆయన చేసిన సేవలకు జాతీయ, అంతర్జాతీయ స్థాయిలో గుర్తింపు లభించింది.
టాటా క్యాన్సర్ కేర్ ఫౌండేషన్ ద్వారా దేశవ్యాప్తంగా అందరికీ నాణ్యమైన, తక్కువ ఖర్చుతో క్యాన్సర్ వైద్య సేవలు అందించేందుకు డాక్టర్ శ్రీఖండే గారు కీలకంగా కృషి చేస్తున్నారు. తిరుపతిలోని క్యాన్సర్ బాధితులకు మెరుగైన వైద్యం అందించేందుకు నిరంతరం పనిచేస్తోంది.
అవసరమైనప్పుడు డాక్టర్ శ్రీఖండే ప్రత్యేక వైద్య సలహాలు ఇవ్వడంతో పాటు, క్లిష్టమైన క్యాన్సర్ శస్త్రచికిత్సలు కూడా నిర్వహిస్తారు. దీనివల్ల తిరుపతి, పరిసర ప్రాంతాల ప్రజలు తమకు దగ్గరలోనే అనుభవజ్ఞులైన క్యాన్సర్ వైద్య నిపుణుల సేవలను పొందే అవకాశం ఉంది.
కె రాజేష్ రిపోర్టర్ తిరుపతి