రాజీవ్ కాలనీ సర్పంచ్ అభ్యర్థిగా ప్రసాద్ రెడ్డి రెండో సెట్ నామినేషన్ దాఖలు
అనంతపురం బ్యూరో మేజర్ న్యూస్ : రాజీవ్ కాలనీ గ్రామ పంచాయతీ సర్పంచ్ ఎన్నికల్లో కాంగ్రెస్ పార్టీ అభ్యర్థిగా బరిలోకి దిగిన ప్రసాద్ రెడ్డి ఈరోజు తన రెండో సెట్ నామినేషన్ దాఖలు చేశారు. రాష్ట్ర మైనార్టీ విభాగం అధ్యక్షులు, అనంతపురం అర్బన్ ఇన్ఛార్జ్ శాలి దాదా గాంధీ ఆదేశాల మేరకు ఈ నామినేషన్ ప్రక్రియ జరిగింది.
కాంగ్రెస్ పార్టీ సీనియర్ నాయకులు కొండారెడ్డి తనయుడైన ప్రసాద్ రెడ్డికి మద్దతుగా పార్టీ నాయకులు, కార్యకర్తలు భారీగా తరలివచ్చారు. ఈ సందర్భంగా శాలి దాదా గాంధీ మాట్లాడుతూ, రాజీవ్ కాలనీ గ్రామ పంచాయతీ ఎన్నికల్లో ప్రసాద్ రెడ్డిని అత్యధిక మెజారిటీతో గెలిపించేందుకు కాంగ్రెస్ పార్టీ శ్రేణులన్నీ సమన్వయంతో పనిచేయాలని పిలుపునిచ్చారు. పార్టీ అభ్యర్థి విజయానికి ప్రతి కార్యకర్త కృషి చేయాలని ఆయన సూచించారు.
రిపోర్టర్ : మొయినుద్దీన్ అనంతపురం బ్యూరో మేజర్ న్యూస్