BREAKING
అర్హులైన ప్రతి ఒక్కరికీ ప్రభుత్వ సహాయం అందించడమే లక్ష్యం - రాష్ట్ర రవాణా బీసీ శాఖ మంత్రి పొన్నం ప్రభాకర్ భారత్‌లో పర్యటిస్తున్న బెలారస్ విదేశాంగ మంత్రి స్పీకర్ సూచించిన అభ్యర్థుల గెలుపునకు సమష్టిగా పనిచేయాలి రేకుర్తి 22ఏ బాధితుల సమస్యకు శాశ్వత పరిష్కారమే లక్ష్యం – జిల్లా కలెక్టర్ చిత్రా మిశ్రా భోగలింగేశ్వర దేవస్థానంలో నాగ జగదీష్‌కు సత్కారం. ప్రజావాణి దరఖాస్తులు త్వరితగతిన పరిష్కరించాలి – ఐటీడీఏ ఉట్నూర్ ప్రాజెక్టు అధికారి మంద మకరందు పుణె కార్యక్రమంలో అమిత్ షా ప్రసంగం: వేదికపై మహారాష్ట్ర అగ్రనేతలు! ఆలియా భట్ కడుపులో ఉన్నప్పుడు రోజుకు 100 సిగరెట్లు తాగాను.. సోనీ రజ్దాన్ షాకింగ్ వ్యాఖ్యలు! వెంకట్రావుపల్లి లో ఇందిరమ్మ ఇల్లు గృహప్రవేశం  ప్రజలకు సంక్షేమ పథకాలు అందించడమే ప్రభుత్వ లక్ష్యం - మంత్రి జూపల్లి కృష్ణారావు పుట్టినరోజు సందర్బంగా పండ్ల పంపిణీ శబరిమల శ్రీ ధర్మశాస్త్ర ఆలయ తలుపులు తెరుచుకోవడం పంచాయతీ సీజన్ 5 ఈ ఏడాది రాదు.. ఫులేరాపై క్రాంతి దేవి కన్ను అంటూ మేకర్స్ ట్విస్ట్! సగరులను బీసీ-డీ నుంచి బీసీ-ఏలోకి మార్చాలి రాజస్థాన్‌లో తుది విడత పంచాయతీ ఎన్నికల పోలింగ్

క్రిటికల్ కేర్ ఆసుపత్రిని త్వరితగతిన ప్రజలకు అందుబాటులోకి తీసుకురావాలి -జిల్లా కలెక్టర్ హేమంత కేశవ్ పాటీల్

Select Suryaa Now
క్రిటికల్ కేర్ ఆసుపత్రిని త్వరితగతిన ప్రజలకు అందుబాటులోకి తీసుకురావాలి -జిల్లా కలెక్టర్ హేమంత కేశవ్ పాటీల్

నాగర్‌కర్నూల్ మెడికల్ కళాశాల ఆవరణలో నూతనంగా నిర్మించిన క్రిటికల్ కేర్ ఆసుపత్రి భవనాన్ని జిల్లా కలెక్టర్ హేమంత కేశవ్ పాటీల్ సోమవారం ఆకస్మికంగా తనిఖీ చేశారు. ఆసుపత్రిని పూర్తిస్థాయిలో ప్రజలకు అందుబాటులోకి తీసుకువచ్చేందుకు మిగిలిన పనులను వేగవంతంగా పూర్తి చేయాలని సంబంధిత అధికారులను ఆదేశించారు.
ఈ సందర్భంగా ఆసుపత్రి భవనంలోని వివిధ విభాగాలు, గదులను పరిశీలించిన కలెక్టర్.. చిన్నచిన్న మరమ్మతు పనులు, రోగులకు అవసరమైన మౌలిక సదుపాయాలు, భవన వినియోగానికి చేపట్టాల్సిన ఏర్పాట్లపై అధికారులను అడిగి తెలుసుకున్నారు. పెండింగ్‌లో ఉన్న పనులను గుర్తించి తక్షణమే పూర్తి చేయాలని సూచించారు.
క్రిటికల్ కేర్ ఆసుపత్రికి రోగులు, అంబులెన్సులు, వైద్య సిబ్బంది సులభంగా చేరుకునేందుకు అప్రోచ్ రోడ్డు అత్యంత కీలకమని కలెక్టర్ తెలిపారు. అప్రోచ్ రోడ్డు నిర్మాణ పనులను ఎలాంటి జాప్యం లేకుండా పూర్తి చేయాలని టీఎస్ఎంఐడీసీ ఇంజనీరింగ్ అధికారులను ఆదేశించారు.
క్రిటికల్ కేర్ ఆసుపత్రి అందుబాటులోకి వస్తే ప్రమాదాలు, తీవ్రమైన అనారోగ్య సమస్యలు, ఇతర అత్యవసర పరిస్థితుల్లో ఉన్న రోగులకు స్థానికంగానే మెరుగైన వైద్య సేవలు అందించేందుకు అవకాశం ఉంటుందని కలెక్టర్ తెలిపారు. అత్యవసర వైద్యం కోసం ప్రజలు ఇతర ప్రాంతాలకు వెళ్లాల్సిన అవసరం తగ్గేలా ఆసుపత్రిలో అన్ని సదుపాయాలు సమకూర్చి త్వరితగతిన సేవలు ప్రారంభించాలని సూచించారు.
టీఎస్ఎంఐడీసీ ఇంజనీరింగ్ అధికారులు, వైద్యశాఖ అధికారులు సమన్వయంతో పనిచేసి పెండింగ్ పనులన్నింటినీ ప్రాధాన్యత క్రమంలో పూర్తి చేయాలని కలెక్టర్ ఆదేశించారు.
కలెక్టర్ వెంట ఆసుపత్రి సూపరింటెండెంట్ డాక్టర్ సుప్రియ, డాక్టర్ రోహిత్, టీఎస్ఎంఐడీసీ డీఈ బాలరాజ్ తదితరులు పాల్గొన్నారు.

సందడి రవీందర్ రెడ్డి,నాగర్‌కర్నూల్,రూరల్, సూర్య న్యూస్: