*గడి పెద్దాపూర్ గ్రామ హిందూ శ్మశాన వాటిక భూమి పరిరక్షణకు వినతి*

అల్లాదుర్గం;గడి పెద్దాపూర్ గ్రామంలోని హిందూ శ్మశాన వాటికలో సుమారు పది కులాలకు చెందిన ప్రజల దహన, ఖనన కార్యక్రమాలు నిర్వహించడం జరుగుతుంది. అయితే శ్మశాన వాటికకు సంబంధించిన భూమి మొత్తం అన్యాక్రాంతం కావడంతో గ్రామ ప్రజలు తీవ్ర ఇబ్బందులు ఎదుర్కొంటున్నారు.ఈ నేపథ్యంలో, గతంలో ప్రభుత్వం కేటాయించిన శ్మశాన వాటిక భూమిని గుర్తించి, అన్యాక్రాంతమైన భూమిని తిరిగి స్వాధీనం చేసుకొని గ్రామ ప్రజలకు అందుబాటులోకి తీసుకురావాలని కోరుతూ మండల తహశీల్దార్ ఎమ్మార్వో గారికి వినతిపత్రం అందజేయడం జరిగింది.అదేవిధంగా, శ్మశాన వాటికకు వెళ్లే దారి సరిగా లేకపోవడంతో ప్రజలు ఎదుర్కొంటున్న ఇబ్బందులను పరిష్కరించేందుకు రహదారిని సరిచేయాలని కోరుతూ మండల పరిషత్ అభివృద్ధి అధికారి ఎంపీడీవో  గారికి వినతిపత్రం అందజేయడం జరిగింది.గ్రామ ప్రజల హక్కులను కాపాడుతూ, శ్మశాన వాటిక భూమిని పరిరక్షించి, సమస్యను త్వరితగతినపరిష్కరించాలని కోరడం జరిగింది.ఈ కార్యక్రమంలో బిఆర్ఎస్ పార్టీ సీనియర్ నాయకులు కృష్ణగౌడ్,సయ్యద్,పవన్,విజయ్ అనిల్,హరి తదితరులు పాల్గొనడం జరిగింది.