andhrapradesh
ఈనెల 10 కల్లా పీవీ నరసింహారావు పార్కును వినియోగంలోకి తీసుకురావాలి
నేటి దినపత్రిక సూర్య బ్యూరో రాజమహేంద్రవరంపీవీ న‌ర‌సింహ‌రావు పార్కు అభివృద్ధి పనులను వేగ‌వంతం చేసి ఈనెల 10 కల్లా అందుబాటులోకి తీసుకురావాల‌ని కమిషనర్ రాహుల్ మీనా ఆదేశించారు. గోదావరి రివర్ ఫ్రంట్ అభివృద్ధి పనులను సోమ‌వారం సాయంత్రం ఇంజ‌నీరింగ్ అధికారుల‌తో కలిసి పరిశీలించారు. ఈ సందర్భంగా పనుల పురోగతిపై సంబంధిత అధికారులను వివరాలు అడిగి తెలుసుకున్నారు. రెయిలింగ్ పెయింటింగ్ కు సంబంధించి ప‌లు సూచ‌న‌లు చేశారు. పనుల నాణ్యత విషయంలో ఎలాంటి రాజీ పడకుండా, నిర్దేశిత ప్రమాణాల ప్రకారం చేపట్టాలని స్పష్టం చేశారు. పర్యటనలో ఈఈ మదర్షా అలీ, ఏఈ రమేష్, ఇతర సిబ్బంది పాల్గొన్నారు.
