ఎమ్మెల్యే హోదాకు తగిన గౌరవం ఇవ్వాలి
తరిగొప్పుల, మేజర్ న్యూస్, తరిగొప్పుల మండల కేంద్రంలో నిర్వహించిన చేయూత పెన్షన్ల పంపిణీ కార్యక్రమంలో చోటుచేసుకున్న ప్రోటోకాల్ వివాదంపై బీఆర్ఎస్ జిల్లా నాయకులు ఏడెల్లి శ్రీనివాస్ రెడ్డి స్పందించారు. ఈ సందర్భంగా ఆయన మాట్లాడుతూ.. ఎమ్మెల్యే పల్లా రాజేశ్వర్ రెడ్డి ప్రజాప్రతినిధిగా నిర్వహిస్తున్న హోదాకు తగిన గౌరవం ఇవ్వడం ప్రతి ఒక్కరి బాధ్యత అని అన్నారు. ప్రభుత్వ అధికారిక కార్యక్రమాల్లో ప్రోటోకాల్ నిబంధనలను తప్పనిసరిగా పాటించాలని సూచించారు. ప్రజాప్రతినిధుల మధ్య పరస్పర గౌరవం, అధికారుల సమన్వయం ఉంటే ఇలాంటి వివాదాలకు అవకాశం ఉండదని పేర్కొన్నారు. ప్రజా సంక్షేమ కార్యక్రమాలు ఎలాంటి రాజకీయ విభేదాలకు తావులేకుండా సజావుగా సాగాలని ఆయన అభిప్రాయపడ్డారు.
రిపోర్టర్: కుమార్, తరిగొప్పుల ,జనగామ జిల్లా