పనుకువలస నుండి ఏకగ్రీవంగా ఎన్నికైన అలజంగి అనూషకు ఎమ్మెల్యే విజయచంద్ర అభినందనలు
బలిచి పేట, సూర్య: పార్వతీపురం నియోజకవర్గం, బలిజిపేట మండలం పనుకువలస పంచాయతీ సర్పంచ్గా ఏకగ్రీవంగా ఎన్నికైన అలజంగి అనూషను బుధవారం టీడీపీ పార్టీ కార్యాలయంలో జరిగిన కార్యక్రమంలో ఎమ్మెల్యే బోనెల విజయచంద్ర అభినందించారు.
ఈ సందర్భంగా గ్రామానికి చెందిన పలు కుటుంబాలు వైసీపీ నుంచి వీడి టీడీపీలో చేరారు. పార్టీలో చేరిన వారికి ఎమ్మెల్యే శుభాకాంక్షలు తెలియజేశారు.
ఈ సందర్భంగా ఎమ్మెల్యే మాట్లాడుతూ, ఇదే ఐకమత్యంతో గ్రామస్తులు తమ పంచాయతీని అభివృద్ధి చేసుకోవాలని, అందుకు తాను, ప్రభుత్వం అన్నివిధాలా సహకరిస్తామని తెలిపారు. అనంతరం పార్టీలో చేరిన వారందరినీ పసుపు కండువా కప్పి ఆహ్వానించారు.