అదాలత్ సెంటర్ వద్ద రోడ్డు గుంతల పూడ్చివేత
కాజీపేట, మేజర్ న్యూస్,
వాహనదారులు, ప్రజలకు రహదారి ప్రయాణం సురక్షితంగా ఉండేలా కాజీపేట ట్రాఫిక్ పోలీసులు చొరవ తీసుకున్నారు. బుధవారం ఉదయం అదాలత్ సెంటర్ వద్ద రోడ్డు మరమ్మతు పనులు చేపట్టి, ఆర్ఎంసీ (రెడీ మిక్స్ కాంక్రీట్) మెటీరియల్తో రహదారిపై ఏర్పడిన గుంతలను పూడ్చారు. గుంతల కారణంగా వాహనదారులు ఎదుర్కొంటున్న ఇబ్బందులను గుర్తించి ట్రాఫిక్ పోలీసులు ఈ చర్యలు చేపట్టడం పట్ల స్థానికులు హర్షం వ్యక్తం చేస్తున్నారు. రహదారి భద్రతకు ప్రాధాన్యతనిస్తూ ప్రజల ప్రయాణ ఇబ్బందులను తొలగించేందుకు కాజీపేట ట్రాఫిక్ పోలీసులు తీసుకున్న చొరవ అభినందనీయమని పలువురు పేర్కొన్నారు.
రిపోర్టర్; గిరి ప్రసాద్, కాజీపేట, హనుమకొండ జిల్లా