ఈ నెల 27న ఖేలో ఇండియా వాలీబాల్ సెలక్షన్స్ అండర్-17 బాలబాలికలకు ఉమ్మడి మెదక్ జిల్లా స్థాయి ఎంపికలు
సంగారెడ్డి: ఖేలో ఇండియా ఆధ్వర్యంలో ఉమ్మడి మెదక్ జిల్లా అండర్-17 బాలబాలికల వాలీబాల్ సెలక్షన్ ట్రయల్స్ ఈ నెల 27న సంగారెడ్డి జిల్లాలోని దౌల్తాబాద్ జిల్లా పరిషత్ ఉన్నత పాఠశాలలో నిర్వహించనున్నట్లు ఖేలో ఇండియా ఉమ్మడి జిల్లా ఇన్‌చార్జి అంజా గౌడ్ తెలిపారు. మంగళవారం ఉదయం 9 గంటల నుంచి ఎంపిక ప్రక్రియ ప్రారంభమవుతుందని పేర్కొన్నారు.వాలీబాల్ ఫెడరేషన్ ఆఫ్ ఇండియా స్టీరింగ్ కమిటీ సభ్యులు ప్రమోద్ కుమార్ రెడ్డి, ఎండీ షాజియా ఆదేశాల మేరకు ఈ ఎంపిక ట్రయల్స్ నిర్వహిస్తున్నట్లు వెల్లడించారు.
అర్హత కలిగిన క్రీడాకారులు హాజరుకావాలి
ఈ సెలక్షన్ ట్రయల్స్‌లో పాల్గొనాలనుకునే బాలబాలికలు తప్పనిసరిగా ఆధార్ కార్డు, బోనఫైడ్ సర్టిఫికెట్, పదో తరగతి ఉత్తీర్ణత సర్టిఫికెట్ తీసుకురావాలని అంజా గౌడ్ సూచించారు. 01-01-2009 తర్వాత జన్మించిన వారు మాత్రమే ఈ ఎంపికలకు అర్హులని స్పష్టం చేశారు.ఉమ్మడి మెదక్ జిల్లాకు చెందిన అర్హులైన వాలీబాల్ క్రీడాకారులు ఈ అవకాశాన్ని సద్వినియోగం చేసుకోవాలని ఆయన కోరారు.
