మీ ఇంటి ఆడబిడ్డ గా పింకీ జైన్ ను ఆదరించి గెలిపించండి.... మేయర్ అభ్యర్థి జేబీ శ్రీనివాస్ ఇంటింటా ప్రచారం

తిరుపతి, మేజర్ న్యూస్:
తిరుపతి కార్పొరేషన్ ఎన్నికలలో 39 వ డివిజన్ జనసేన  కార్పొరేటర్ అభ్యర్థి పింకీ జైన్ ను మీ ఇంటి ఆడబిడ్డగా, సోదరిగా, ఆదరించి  గాజు గ్లాస్ గుర్తుకు ఓట్లేసి గెలిపించాలని జేబీ శ్రీనివాస్ కోరారు.
సోమవారం కార్పొరేషన్ మేయర్ అభ్యర్థి  జెబీ శ్రీనివాస్  కార్పొరేటర్ అభ్యర్థి పింకీ జైన్, జనసేన టిడిపి బిజెపి నాయకులు కార్యకర్తలను వెంటబెట్టుకుని 39 వ డివిజన్ పరిధిలోని  ఓటర్లను అభ్యర్థించారు.  అనంతరం పింకీ జైన్, దినేష్ జైన్ లు మాట్లాడుతూ 
డివిజన్ పరిధిలోని దీర్ఘకాలికంగా ఉన్న సమస్యల పరిష్కారం కోసం ప్రత్యేక దృష్టి సారిస్తానని హామీ ఇచ్చారు. 24 గంటల పాటు ప్రజలకు అందుబాటులో ఉండి సహాయ సహకారాలు అందించేందుకు శక్తివంచన లేకుండా కృషి చేస్తానని  పేర్కొన్నారు.
  మీ అందరికీ అందుబాటులో ఉండి ఒక సోదరిగా, మీ ఇంటి అడ్డుపడుచు గా అభివృద్ధి చేస్తానని, ఒక్క అవకాశం ఇచ్చి గెలిపించాలని ఆమె ఓటర్లను అభ్యర్థించారు. ప్రజా సంక్షేమము అభివృద్ధి లక్ష్యంగా కూటమి ప్రభుత్వం దూసుకుపోతోందని, ఇప్పటికే ఇచ్చిన హామీలను 98 శాతం అమలు చేసిన ఘనత కూటమి ప్రభుత్వం దేనని చెప్పారు. తనను కార్పొరేటర్ గా గెలిపిస్తే రానున్న రోజుల్లో డివిజన్ ను ఆదర్శవంతంగా తీర్చిదిద్దడంతో పాటు అర్హులైన వారందరికీ పార్టీలకతీతంగా సంక్షేమ పథకాలు అందించేలా చొరవ చూపుతానని ఓటర్లకు, డివిజన్ లోని ప్రజలకు హామీ ఇచ్చారు. ఈ ప్రచారంలో దామోదర్, కిషోర్, భవిక్, జిగర్ జనసేన, టిడిపి, బిజెపి నాయకులు, కార్యకర్తలు పెద్ద సంఖ్యలో పాల్గొన్నారు.

H. Dwaraka, staff reporter 

Cell no. 9705347341.