వాల్మీకి విజ్ఞాన కేంద్రంలో ఆదికవి వాల్మీకి జయంతి

జీలుగుమిల్లి, మేజర్ న్యూస్:లోక కళ్యాణానికై మర్యాద పురుషోత్తముడైన శ్రీ రాముని జీవిత గాధను సమస్త మానవాళికి ఆదర్శనీయ గ్రంథంగా, జీవన విధానాన్ని తీర్చిదిద్దే శైలిలో తీర్చిదిద్దిన  " రామాయణం" ఆదికావ్యంగా అందించిన మహర్షి వాల్మీకి నిత్య ప్రాతః స్మరణీయులని  వాల్మీకి విజ్ఞాన కేంద్రం పాఠశాల ప్రధానాచార్యులు ఎంఎస్ సుబ్రహ్మణ్యం అన్నారు.

సోమవారం వంకావారిగూడెం వాల్మీకి విజ్ఞాన కేంద్రం పాఠశాల ప్రాంగణంలో వాల్మీకి మహర్షి జయంతి జరిగింది.

 ఈ కార్యక్రమంలో వాల్మీకి మహర్షి విగ్రహానికి తొలుత పుష్పమాలను వేసి

 వాల్మీకి విగ్రహానికి పూజలు చేశారు.  రామాయణ గ్రంధానికి  కూడా పూజలుచేశారు. అట్టడుగు వర్గం నుంచి ఎదిగి ఆదికావ్యాన్ని అందించిన వాల్మీకి మహర్షి మనందరికీ ఆదర్శనీయమని జీలుగుమిల్లి  మండలం ఎస్ ఎస్ ఎఫ్ ధర్మ విస్తారక్ బొంతు రామకృష్ణ అన్నారు. కృషి,పట్టుదల ఉంటే అడవిలో తిరిగి ఒక నిరక్షరాస్యుడు కూడా మహర్షిగా ఎదిగి సంస్కృతంలోని వేలాది శ్లోకాలతో  రామాయణాన్ని అందించి, నిరూపించిన సృష్టికర్త, ఆదికవి  వాల్మీకిని మనం స్ఫూర్తిగా తీసుకోవాలని వాల్మీకి విజ్ఞాన కేంద్రం పాఠశాల ఉపాధ్యాయని వి. కామేశ్వరి పిలుపునిచ్చారు. ఈ కార్యక్రమంలో ఉపాధ్యాయులు వేదుల జనార్దన్ రావు,ఎస్ఎస్ఎఫ్ ధర్మ విస్తారక్ బొంతు రామకృష్ణ, ఉర్రింకల శివశంకర్, వి. కామేశ్వరి, కె.గౌరీ శ్రీ, కూరాకుల వెంకటేశ్వరరావు, పేరం మహేష్, ఏ. అమల.జయలక్ష్మిలు విద్యార్థులు పాల్గొన్నారు.

 రిపోర్టర్ బంతు రామకృష్ణ జీలుగుమిల్లి ఏలూరు జిల్లా,