చరిత్రలో నిలిచిపోయేలా నితిన్ నబీన్ ‘మహా పాదయాత్ర’’కు ఏర్పాట్లు కేంద్ర మంత్రి బండి సంజయ్
తెలంగాణ బ్యూరో, ప్రతినిధి: బిజెపి జాతీయ అధ్యక్షుడు నితిన్ నవీన్ హాజరయ్యే మహా పాదయాత్ర చరిత్ర తిరగరాస్తుందని కేంద్రమంత్రి బండి సంజయ్ కుమార్ తెలిపారు. లక్ష మందిపైగా పాదయాత్రలో పాల్గొనే మహా పాదయాత్ర ఏర్పాటును బండి సంజయ్ కుమార్ పరిశీలించారు. ఈ సందర్భంగా ఆయన మాట్లాడుతూ కరీంనగర్ గాంధీ విగ్రహం నుండి వైశ్యా భవన్, టవర్ సర్కిల్, గంజ్, గడియారం సర్కిల్, శాస్త్రీరోడ్, భారత్ టాకీస్ మీదుగా కమాన్ చౌరస్తా వరకు పాదయాత్ర కొనసాగుతుందన్నారు. వైశ్యా భవన్ వద్ద ప్రజలను ఉద్దేశించి నితిన్ నబీన్ ప్రసంగించనున్నారు. ఫ్లెక్సీలు, హోర్డింగులు, కాషాయ జెండాలతో కరీంనగర్ ను కాషాయ మయం చేసేందుకు బిజెపి శ్రేణులు సిద్ధమయ్యారని తెలిపారు. కొండా సత్యలక్ష్మీ గార్డెన్ లో కరీంనగర్ పార్లమెంట్ నియోజకవర్గ మండలాధ్యక్షులు, ఇంఛార్జీలతో కేంద్ర మంత్రి భేటీ అవుతారని తెలిపారు.
జన సమీకరణ, రవాణా, ఏర్పాట్లపై దిశా నిర్దేశం చేశారు..గ్రామాలు, మండలాల వారీగా ఎంత మంది జనం వస్తున్నారని వివరాలపై ఆరా తీశారు..అంచనాలకు మించి లక్ష మందికి పైగా జనం వచ్చే అవకాశముందని వెల్లడించారు.
రవాణా సౌకర్యం కల్పించాలని కోరిన నేతలు, వెయ్యికిపైగా బస్సులు, 500 మినీ బస్సులు, వ్యాన్లు, 2 వేల ఆటోలను సమకూర్చుకుంటున్నారు.