వెల్దుర్తి సర్పంచ్ అభ్యర్థిగా ఎల్.ఇ. పుష్పవతి నామినేషన్
వెల్దుర్తి, మేజర్ న్యూస్: వెల్దుర్తి మేజర్ గ్రామ పంచాయతీ సర్పంచ్ పదవికి ఎల్.ఇ. పుష్పవతి శనివారం నామినేషన్ దాఖలు చేశారు. స్థానిక ఎన్నికల రిటర్నింగ్ అధికారి (ఆర్వో) కార్యాలయంలో ఏర్పాటు చేసిన ప్రత్యేక కేంద్రంలో ఆమె తన నామినేషన్ పత్రాలను అధికారులకు అందజేశారు. ఈ సందర్భంగా స్థానిక నేతలు, కార్యకర్తలు, అభిమానులు పెద్ద ఎత్తున తరలివచ్చి ఆమెకు మద్దతు తెలిపారు.నామినేషన్ దాఖలుకు ముందు ఆమె తన మద్దతుదారులు, గ్రామ పెద్దలతో కలిసి ర్యాలీగా ఆర్వో కార్యాలయానికి చేరుకున్నారు. అనంతరం ఎన్నికల నియమావళి ప్రకారం అవసరమైన ధ్రువపత్రాలను ఆర్వోకు సమర్పించారు. ఈ కార్యక్రమంలో పలువురు ముఖ్య నాయకులు, వార్డు సభ్యులు, కుటుంబ సభ్యులు, మహిళా సంఘాల ప్రతినిధులు పాల్గొని పుష్పవతికి శుభాకాంక్షలు తెలిపారు.ఈ సందర్భంగా ఎల్.ఇ. పుష్పవతి మాట్లాడుతూ.. గ్రామ ప్రజల ఆశీస్సులతో సర్పంచ్ బరిలో నిలుస్తున్నానని తెలిపారు. వెల్దుర్తి మేజర్ పంచాయతీని అన్ని రంగాల్లో అభివృద్ధి చేయడమే తన ప్రధాన లక్ష్యమని, తాగునీరు, పారిశుద్ధ్యం, అంతర్గత రహదారుల మెరుగుదలకు ప్రత్యేక కృషి చేస్తానని హామీ ఇచ్చారు. గ్రామస్తులందరూ తనకు మద్దతుగా నిలిచి భారీ మెజారిటీతో గెలిపించాలని ఆమె కోరారు.