బాడంగిలో సర్పంచ్ స్థానాలకు హోరాహోరీ పోటీ ఐదు పంచాయతీల్లో ఏకగ్రీవం.. 20 పంచాయతీల్లో ఎన్నికలు
బాడంగి, నవంబరు 21 (మేజర్ న్యూస్): బాడంగి మండలంలో గ్రామ పంచాయతీ ఎన్నికల నామినేషన్ల ఉపసంహరణ ప్రక్రియ పూర్తికావడంతో ఎన్నికల బరిలో నిలిచిన అభ్యర్థుల సంఖ్య స్పష్టమైంది. మండలంలోని డొంకినవలస, టెంటువలస, పిన్నవలస, రేజేరు, ముగడ గ్రామ పంచాయతీల్లో సర్పంచ్తో పాటు వార్డు సభ్యుల స్థానాలు ఏకగ్రీవమయ్యాయి.
మిగిలిన 20 గ్రామ పంచాయతీల్లో సర్పంచ్ స్థానాలకు ఎన్నికలు జరగనున్నాయి. బొత్సవానివలస, పాల్తేరు, బాడంగి పంచాయతీల్లో సర్పంచ్ పదవులకు ముగ్గురు చొప్పున అభ్యర్థులు పోటీలో ఉండగా, మిగిలిన 17 పంచాయతీల్లో ఇద్దరు చొప్పున అభ్యర్థులు బరిలో నిలిచారు.
మండలంలో మొత్తం 46 వార్డు సభ్యుల స్థానాలు ఏకగ్రీవం కాగా, మిగిలిన 194 వార్డు సభ్యుల స్థానాలకు అభ్యర్థులు పోటీలో ఉన్నారు. అని ఎంపీడీవో శ్రీలత తెలిపారు