అనంత ఆంజనేయస్వామి ఆలయంలో స్వచ్ఛ భారత్

 సూర్య ఆర్మూర్ :ఆర్మూర్  మున్సిపాలిటీ పరిధిలో మామిడి పల్లి  అనంత ఆంజనేయ స్వామి ఆలయం ఆవరణలో 77వ  స్వచ్ఛ భారత్ కార్యక్రమాన్ని నిర్వహించారు. ఆలయం ఆవరణలో చెత్త చెదారాన్ని తొలగించి శుభ్రం చేశారు. పెరిగిన చెట్ల కొమ్మలు, పిచ్చిమొక్కలు, చెత్త చెదారాన్ని తొలగించారు. 9వ వార్డు  కౌన్సిలర్ పోచంపాడు శ్రీనివాస్ మాట్లాడుతూ.. తన కాలనీలో ఉన్న ఆలయం  ఆవరణలో ఉన్న చెత్తా చదరాన్ని తొలగించడం ఎంతో సంతోషకర విషయం అన్నారు. ఇలాంటి  స్వచ్ఛంద కార్యక్రమాలు చేపడుతున్న మహాత్మ  స్వచ్ఛంద సేవా సంస్థ అధ్యక్షుని అభినందించారు.ఈ సందర్భంగా ఆలయ అర్చకులు మాట్లాడుతూ.. తమ ఆలయం లో ఇలాంటి స్వచ్ఛ కార్యక్రమం నిర్వహించడం అభినందనీయమన్నారు. ఈ సందర్భంగా సంస్థను వారు అభినందించారు. ఆర్మూర్ మహాత్మ స్వచ్చంద సంస్థ వ్యవస్థాపక అధ్యక్షులు సుంకె శ్రీనివాస్ మాట్లాడుతూ.. ప్రతి ఆదివారం ఒక గంట నినాదంతో నిర్వహిస్తున్న ఈ స్వచ్ఛ కార్యక్రమంలో భాగంగా77వ ఆదివారం మామిడి పల్లి లో అనంత ఆంజనేయ స్వామి ఆలయంలో  ఈ కార్యక్రమం చేపట్టడం జరిగిందన్నారు. ఈ కార్యక్రమంలో బి ప్రశాంత్, జర్నలిస్టు రమేష్,రాజ్ కుమార్,సుంకే నిశాంత్, యాదగిరి,ఆదిత్య, గుర్రం రాకేష్, డ్రైవింగ్ వేణు, సుమన్,కృషవర్ధన్,  రాజన్న, జంగిడి భోజన్న గ్రామ అభివృద్ధి కమిటీ సభ్యులు  తదితరులు పాల్గొన్నారు.