మటన్ షాపు వద్ద వృధాగా పోతున్న త్రాగునీరు చర్యలు తీసుకోవాలని గ్రామస్తుల డిమాండ్

రామాయంపేట ; ఎల్‌నినో ప్రభావంతో నీటి సమస్యలు తలెత్తే అవకాశం ఉందని, నీటిని వృథా చేయవద్దని అధికారులు ప్రజలకు అవగాహన కల్పిస్తున్నప్పటికీ కొందరిలో మార్పు కనిపించడం లేదు. నిజాంపేట మండల కేంద్రంలోని ఓ మటన్ షాపు వద్ద నీటిని వృథా చేస్తుండటం ఇందుకు నిదర్శనంగా నిలుస్తోంది.
నీటి వనరులను పొదుపుగా వినియోగించుకోవాలని రాష్ట్ర ప్రభుత్వం, అధికారులు ప్రజలకు సూచిస్తున్నప్పటికీ కొందరు వాటిని పట్టించుకోవడం లేదని స్థానికులు ఆవేదన వ్యక్తం చేస్తున్నారు. భవిష్యత్తులో నీటి కొరత ఏర్పడకుండా ప్రతి ఒక్కరూ బాధ్యతగా వ్యవహరించాలని కోరుతున్నారు.