అయ్యప్ప స్వాముల మహా పాదయాత్రలో పాల్గొన్న బీఆర్ఎస్ రాష్ట్ర నాయకులు మాద్రి పృథ్వీరాజ్

 పటాన్‌చెరు ;పటాన్‌చెరు నియోజవర్గానికి చెందిన అయ్యప్ప స్వాములు బీహెచ్‌ఈఎల్‌ లోని శ్రీ అయ్యప్ప స్వామి దేవాలయం నుంచి శబరిమలలోని శ్రీ అయ్యప్ప స్వామి సన్నిధానం వరకు చేపట్టిన మహా పాదయాత్ర కార్యక్రమంలో బీఆర్ఎస్ రాష్ట్ర నాయకులు, ఎండిఆర్ ఫౌండేషన్ కో-ఫౌండర్ మాద్రి పృథ్వీరాజ్ l పాల్గొన్నారు. ఈ సందర్భంగా ఆలయంలో ప్రత్యేక పూజలు నిర్వహించి, స్వామివారి ఆశీస్సులు పొందారు.ఈ సందర్భంగా పృథ్వీరాజ్ మాట్లాడుతూ, అయ్యప్ప స్వామి మాలధారణ భక్తుల్లో ఆధ్యాత్మిక చింతనను పెంపొందించడంతో పాటు మానసిక ప్రశాంతత, ఏకాగ్రత, క్రమశిక్షణ, ఆత్మనిగ్రహాన్ని అలవర్చుకోవడంలో ఎంతగానో దోహదపడుతుందని పేర్కొన్నారు. అయ్యప్ప స్వామిపై అచంచలమైన భక్తిశ్రద్ధలతో చేపట్టే మహా పాదయాత్ర ఆధ్యాత్మిక చైతన్యాన్ని, ఐక్యతను, సహనం, సేవాభావాన్ని మరింత పెంపొందిస్తుందని తెలిపారు.*అయ్యప్ప స్వాములు భక్తిశ్రద్ధలతో, నియమ నిష్ఠలతో శబరిమల యాత్రను కొనసాగించి స్వామివారి కృపకు పాత్రులు కావాలని ఆకాంక్షిస్తూ, యాత్ర విజయవంతం కావాలని శుభాకాంక్షలు తెలిపారు. అయ్యప్ప స్వాములు “స్వామియే శరణం అయ్యప్ప నామస్మరణతో ఆధ్యాత్మిక వాతావరణాన్ని భక్తిభావంతో నింపారు.ఈ కార్యక్రమంలో మల్లేష్ గారు, శ్రీనివాస్ గారు, మహేష్ గారు, భాను గారు, కిషోర్ మరియు  యువసేన సభ్యులు తదితరులు పాల్గొన్నారు.