రేపు మొయినాబాద్‌లో కాంగ్రెస్ పార్టీ విస్తృతస్థాయి సమావేశం
రంగారెడ్డి జిల్లా కాంగ్రెస్ పార్టీ సంస్థాగత వ్యవహారాలపై సమీక్ష
హాజరుకానున్న ఏఐసీసీ అబ్జర్వర్ మోహన్ కుమార్ మంగళం
పార్టీ ప్రజాప్రతినిధులు, నాయకులు, కార్యకర్తలు హాజరుకావాలని పిలుపు
మొయినాబాద్, మేజర్ న్యూస్( అక్టోబర్ 25):
"అఖిల భారత కాంగ్రెస్ కమిటీ (ఏఐసీసీ) ఆదేశాల మేరకు రంగారెడ్డి జిల్లా కాంగ్రెస్ పార్టీ సంస్థాగత వ్యవహారాలపై సమీక్ష నిర్వహించేందుకు ఈ నెల 26వ తేదీ సోమవారం మొయినాబాద్‌లో జిల్లా స్థాయి సంయుక్త సమన్వయ సమావేశం నిర్వహించనున్నట్లు కాంగ్రెస్ పార్టీ నాయకులు తెలిపారు.
మొయినాబాద్‌లోని కాంగ్రెస్ పార్టీ కార్యాలయంలో మధ్యాహ్నం ఒంటి గంటకు నిర్వహించనున్న ఈ సమావేశానికి ఏఐసీసీ అబ్జర్వర్ మోహన్ కుమార్ మంగళం ముఖ్య అతిథిగా హాజరై పార్టీ శ్రేణులకు దిశానిర్దేశం చేయనున్నట్లు వెల్లడించారు.
ఈ సమావేశంలో రంగారెడ్డి జిల్లా కాంగ్రెస్ పార్టీ సంస్థాగత బలోపేతం, నాయకులు, కార్యకర్తల మధ్య సమన్వయం, పార్టీ కార్యక్రమాల అమలు తదితర అంశాలపై చర్చించే అవకాశం ఉంది.
కాంగ్రెస్ పార్టీ ఎంపీలు, ఎమ్మెల్సీలు, ఎమ్మెల్యేలు, మాజీ ప్రజాప్రతినిధులు, నియోజకవర్గ ఇన్‌చార్జీలు, అనుబంధ సంఘాల నాయకులు, జిల్లా, మండల, పట్టణ స్థాయి నాయకులు, వివిధ విభాగాల అధ్యక్షులు, కార్యకర్తలు సమావేశానికి హాజరుకావాలని నిర్వాహకులు కోరారు.
అలాగే ఏఐసీసీ, టీపీసీసీ, డీసీసీ నాయకులు, మహిళా కాంగ్రెస్, యువజన కాంగ్రెస్ నాయకులు, ప్రజాప్రతినిధులు పెద్ద సంఖ్యలో పాల్గొని సమావేశాన్ని విజయవంతం చేయాలని పిలుపునిచ్చారు.
ఈ మేరకు మొయినాబాద్ మండల, మున్సిపల్ కాంగ్రెస్ పార్టీ అధ్యక్షులు బొలిగిద్ద సత్యనారాయణ, ఏ. విక్రమ్ రెడ్డి సంయుక్తంగా ప్రకటన విడుదల చేశారు.
