పేదల సొంతింటి కల సహకారం చేయడమే ప్రభుత్వ లక్ష్యం ఎమ్మెల్యే

నారాయణఖేడ్ ; నారాయణఖేడ్ నియోజకవర్గంనగల్‌గిద్దా మండల పరిధిలోని మావినెల్లి కిషన్ నాయక్ తండాలో నూతనంగా నిర్మించిన ఇందిరమ్మ ఇళ్ల గృహప్రవేశ మహోత్సవాల్లో ఆదివారం ముఖ్యఅతిథిగా నారాయణఖేడ్ శాసనసభ్యులు డాక్టర్ పట్లోళ్ల సంజీవరెడ్డి పాల్గొన్నారు. లబ్ధిదారులతో కలిసి ప్రత్యేక పూజలు నిర్వహించి, రిబ్బన్ కట్ చేసి గృహప్రవేశ వేడుకలను ఘనంగా ప్రారంభించారు.ఈ సందర్భంగా ఎమ్మెల్యే డాక్టర్ పట్లోళ్ల సంజీవరెడ్డి మాట్లాడుతూ... పేద ప్రజల సొంతింటి కలను సాకారం చేయడమే ప్రజా ప్రభుత్వ ప్రధాన ధ్యేయమని స్పష్టం చేశారు. సమాజంలో నిరుపేదలు ఆత్మగౌరవంతో, సురక్షితంగా జీవించాలనే ఉద్దేశంతోనే ఇందిరమ్మ ఇళ్ల పథకాన్ని నిబద్ధతతో ముందుకు తీసుకెళ్తున్నామని పేర్కొన్నారు. నారాయణఖేడ్ నియోజకవర్గంలో పార్టీలు, వర్గాలకు అతీతంగా అర్హులైన ప్రతి ఒక్క పేద కుటుంబానికి ఇందిరమ్మ ఇళ్లు మంజూరు చేస్తామని హామీ ఇచ్చారు. గిరిజన తండాలు, మారుమూల గ్రామాల సమగ్ర అభివృద్ధికి, మౌలిక వసతుల కల్పనకు నిరంతరం కృషి చేస్తామని తెలిపారు. కొత్త ఇంట్లోకి అడుగుపెట్టిన లబ్ధిదారుల కుటుంబ సభ్యులకు ఆయన హృదయపూర్వక శుభాకాంక్షలు తెలిపారు. ఈ కార్యక్రమంలో స్థానిక ప్రజాప్రతినిధులు, మండల స్థాయి అధికారులు, కాంగ్రెస్ పార్టీ ముఖ్య నాయకులు, కార్యకర్తలు, గ్రామ పెద్దలు మరియు తండా ప్రజలు పెద్ద ఎత్తున పాల్గొన్నారు.