నవంబర్ 22న శ్రీ గాయత్రి బ్రాహ్మణ సేవా సంఘం ఆధ్వర్యంలో కార్తీక వనభోజనాలు
వనభోజనాల విజయవంతానికి సన్నాహక సమావేశం
కుత్బుల్లాపూర్ మేజర్ న్యూస్ : శ్రీ గాయత్రి బ్రాహ్మణ సేవా సంఘం ఆధ్వర్యంలో నవంబర్ 22న నిర్వహించనున్న కార్తీక వనభోజనాలను విజయవంతం చేసేందుకు ఆదివారం సూరారం కాలనీలోని ఆర్యవైశ్య భవన్‌లో సన్నాహక సమావేశం నిర్వహించారు. సంఘం అధ్యక్షుడు గోగులపాటి కృష్ణమోహన్ అధ్యక్షతన జరిగిన ఈ సమావేశంలో కార్యక్రమ ఏర్పాట్లు, సభ్యుల భాగస్వామ్యం, నిర్వహణకు సంబంధించిన పలు అంశాలపై చర్చించారు. పరాభవ నామ సంవత్సర కార్తీక శుద్ధ త్రయోదశి పర్వదినాన్ని పురస్కరించుకుని నవంబర్ 22వ తేదీ ఆదివారం కార్తీక వనభోజనాలు నిర్వహించాలని సమావేశంలో నిర్ణయించారు. ఈ కార్యక్రమంలో సంఘ సభ్యులు పెద్ద సంఖ్యలో పాల్గొనేలా అవసరమైన ఏర్పాట్లు చేపట్టాలని నిర్ణయించారు.
ఈ సందర్భంగా అధ్యక్షుడు గోగులపాటి కృష్ణమోహన్ మాట్లాడుతూ సంఘ సభ్యులందరూ సమన్వయంతో పనిచేసి కార్తీక వనభోజనాలను విజయవంతం చేయాలని కోరారు. ఇలాంటి ఆధ్యాత్మిక, సాంస్కృతిక కార్యక్రమాలు సభ్యుల మధ్య ఐకమత్యాన్ని పెంపొందించడంతో పాటు మన సంప్రదాయాలు, సంస్కృతిని భావితరాలకు అందించేందుకు దోహదపడతాయని పేర్కొన్నారు. సభ్యులందరూ బాధ్యతగా భాగస్వాములై కార్యక్రమాన్ని విజయవంతం చేయాలని పిలుపునిచ్చారు. ఈ సమావేశంలో సంఘం ప్రధాన సలహాదారు సర్వేపల్లి రమేష్ కుమార్, సలహాదారు పరుశురామ శర్మ, కార్యవర్గ సభ్యులు గడ్డం రాంబాబు, కోడూరి జగదీష్, శ్రీధరాచార్యులు, ప్రభాకర్ శర్మ, మాలతి శ్రీనివాస్, సుబ్బలక్ష్మి సంజీవరావు, రమేష్ కులకర్ణి, సాయి సుందరి, రత్నమాల సుబ్బారావు, సుబ్రహ్మణ్య స్వామి, గోవర్ధన్ రావు, రఘురాం తదితరులు పాల్గొన్నారు.
