ఈరోజు మా తాడేపల్లిగూడెం కి ఏనుగు వచ్చిందని మీకు తెలుసా

తాడేపల్లిగూడెం, మేజర్ న్యూస్; తాడేపల్లిగూడెం ఏలూరు రోడ్ లోని శ్రీ వాసవి కన్యకా పరమేశ్వరి పంచాయితన క్షేత్రంలో 59వ శ్రీదేవి శరన్నవరాత్రి మహోత్సవాలు వైభవంగా నిర్వహించారు. నవరాత్రి మహోత్సవాల అనంతరం జరిగిన రథోత్సవ కార్యక్రమం నేడు అంగరంగ వైభవంగా జరిగింది. ఏడు రాష్ట్రాల నుండి వచ్చిన 225 మంది కళాకారులతో కనుల విందుగా వెండి రథంపై వాసవి మాత ఊరేగింపు జరిగింది. ఏడాదికి ఏడాదికి మారుతున్న పరిస్థితులకు అనుకూలంగా కళాకారులను తీసుకొని వచ్చి రంగ రంగ వైభవంగా ఈ కార్యక్రమంలో నిర్వహించినట్లు నిర్వాహకులు తెలియజేశారు. రథోత్సవ కమిటీ చైర్మన్ నారాయణ రాంబాబు మాట్లాడుతూ గడిచిన మూడు సంవత్సరాలుగా తాను రథోత్సవంలో కొత్తదనంతో కూడిన కళాకారులను తీసుకుని వచ్చి అమ్మవారి రథోత్సవం వైభవంగా జరిపించామని తెలియజేశారు. ఐవిఎఫ్ రాష్ట్ర అధ్యక్షులు కోన శ్రీనివాస్ రావు, గౌరవ అధ్యక్షులు మారం వెంకటేశ్వరరావు, ముందుగా కొబ్బరికాయ కొట్టి రథోత్సవాన్ని ప్రారంభించారు. ఈ సందర్భంగా వారు మాట్లాడుతూ ఎంతో గొప్ప చరిత్ర కలిగిన ఈ దేవాలయంలో రథోత్సవానికి ఒక ప్రత్యేకత ఉందని దానికి అనుగుణంగా ఆర్య వైశ్యులు, వాసవి క్లబ్, వనితా క్లబ్, ఆర్యవైశ్య మహిళా సంఘం, ఐవిఎఫ్, పలు సంఘాల సభ్యులు సహాయ సహకారాలతో 5000 మందికి చక్కర పొంగలి, పులిహోర, శనగల ప్రసాదాలు ఏర్పాటు చేశామని తెలియజేశారు. శ్రీ ఆర్యవైశ్య సంఘం అధ్యక్షులు కొర్ల రాము, కార్యదర్శి నున్న సుందరం, కోశాధికారి భోగవల్లి రమేష్, ఆలయ కార్యదర్శులు ఆలపాటి చిన్న ఆలపాటి సత్యనారాయణ మరియు కమిటీ సభ్యుల సహాయ సహకారాలతో ఎంతో వైభవభ్రంగా నిర్వహించమని తెలియజేశారు.108 కళాశాలతో మహిళలు ఈ ఉత్సవాల్లో పాల్గొన్నారు. 75 మంది మహిళలతో కోలాటం, కోయంబత్తూర్ నుంచి తీసుకొచ్చిన కృత్రిమ ఏనుగు విన్యాసాలు ఆకర్షణీయంగా ఉన్నాయి. మామూలు ఏనుగు ఎలా ఆశీర్వదిస్తుందో అదే రీతిగా భక్తులను ఆశీర్వదించటం, తొండంతో నీళ్లు కొట్టడం, తలవపటం వంటి ఎన్నో చర్యలు చేసింది. కోయంబత్తూర్ నుంచి తెచ్చిన ఈ ఆర్టిఫిషియల్ ఏనుగు మాత్రం సాధారణ ఏనుగు మాత్రమే ఉండడం ఈ కార్యక్రమంలో ప్రత్యేక ఆకర్షణగా నిలిచింది. 

రిపోర్టర్ శ్రీనివాస్ తాడేపల్లిగూడెం పశ్చిమగోదావరి జిల్లా