ఖైరతాబాద్ కార్పొరేటర్ విజయారెడ్డి జన్మదినోత్సవం సందర్భంగా పారిశుధ్య కార్మికులకు చీరలు, భోజనం పంపిణీ
జూబ్లీ హిల్స్ డివిజన్‌లో ఘనంగా సేవా కార్యక్రమం
సోమాజిగూడ /మేజర్ న్యూస్ : ఖైరతాబాద్ కార్పొరేటర్ పి. విజయారెడ్డి జన్మదినోత్సవాన్ని పురస్కరించుకుని, పి. మోహన్ యాదవ్ నాయకత్వంలో జూబ్లీ హిల్స్ డివిజన్‌లోని ఇందిరా నగర్‌లో సేవా కార్యక్రమాన్ని నిర్వహించారు. ఈ సందర్భంగా జీహెచ్ఎంసీ పారిశుధ్య కార్మికులకు చీరలు, భోజనం పంపిణీ చేసి తమ అభిమాన నాయకురాలి జన్మదిన వేడుకలను సేవా స్ఫూర్తితో జరుపుకున్నారు.
సమాజ ఆరోగ్య పరిరక్షణలో కీలక పాత్ర పోషిస్తున్న పారిశుధ్య కార్మికుల సేవలను గుర్తించి, వారికి గౌరవం అందించాలనే ఉద్దేశంతో ఈ కార్యక్రమాన్ని నిర్వహించినట్లు మోహన్ యాదవ్ తెలిపారు .ఈ కార్యక్రమంలో కాంగ్రెస్ నాయకులు లడ్డు రాజ్ యాదవ్, సత్తి గౌడ్, శివ గౌడ్, జూబ్లీ హిల్స్ డివిజన్ మహిళా విభాగం అధ్యక్షురాలు భవానీ బాబా గౌడ్, లక్ష్మీ రెడ్డి, సుకన్య, శంకర్, బాబ్లు యాదవ్, వెంకటేష్, శ్రీనివాస్, పవన్ పటేల్, రామకృష్ణ, మహేశ్వర్, చింటు, వీర నరేష్ తదితరులు పాల్గొన్నారు.
పి. విజయారెడ్డి జన్మదినోత్సవాన్ని పురస్కరించుకుని నిర్వహించిన ఈ సేవా కార్యక్రమం లో నాయకులు, కార్యకర్తలు, అభిమానులు భారీగా పాల్గొన్నారు.
