హెచ్ మ్యాట్ లో ప్రతి నెల చివరి శనివారం ఉచిత చికిత్స క్యాంప్
హిమాయత్ నగర్, మేజర్ న్యూస్ :హెచ్ మ్యాట్ లో ఇకనుంచి ప్రతి శనివారం అనుభవజ్ఞులైన హోమియోపతి వైద్యులచే ఉచిత చికిత్స క్యాంపు నిర్వహిస్తున్నామని అధ్యక్ష , ప్రధాన కార్యదర్శులు ప్రకటించారు. ఆదివారం
హోమియోపతిక్ మెడికల్ అసోసియేషన్ ఆఫ్ తెలంగాణ ( హెచ్ మ్యాట్ ), విజయ డయాగ్నోస్టిక్ సెంటర్ , హిమాయత్ నగర్ సంయుక్తంగా నిర్వహించిన సి. యం. ఇ .. జూపల్లి బాలమ్మ ఆడిటోరియం లో ఘనంగా జరిగింది. హోమియోపతి చికిత్స తో ప్రయోజనం పొందిన రాజ్ రాణి కపూర్ స్మృతిలో జరిగిన ఈ ఆరేషన్ ప్రారంభోత్సవంలో ఆమె చిత్రపటానికి నివాళులు అర్పించారు . అసోసియేషన్ అధ్యక్షుడు డా. కె. గోపాలకృష్ణ నేతృత్వం వహించి స్వాగతోపన్యాసం చేయగా ప్రధాన కార్యదర్శి డా. జి. దుర్గాప్రసాద్ రావు అసోసియేషన్ ద్వారా నిర్వహిస్తున్న వైద్య , ఇతర సేవా కార్యక్రమాల గురించి వివరించారు.
ఈ నెల నుండి హెచ్ మ్యాట్ లో ప్రతి చివరి శనివారం రోజు ఉదయం 10 గం. నుండి మధ్యాహన్నం 1 గం. వరకు అనుభవజ్ఞులైన హోమియో వైద్యులచే ఉచిత చికిత్స్ క్యాంపు ను నిర్వహిస్తున్నట్లుగా డా. దుర్గాప్రసాద్ రావు తెలిపారు .ఈ సందర్భంగా విజయ డయాగ్నోస్టిక్స్ బయోకెమిస్ట్ డా. అఫ్రోజ్ హనీఫ్ ‘ డీ కోడింగ్ ది సెల్యూలర్ విస్పర్స్ ‘ అంశంపై ఉపన్యసించగా , కరీంనగర్ కు చెందిన హోమియో డాక్టర్ మణిద్రుపద్ ‘ క్లినికల్ కేసెస్ అండ్ ఇన్సైట్స్ ఇన్ టు రెమెడీ పాటర్న్స్ ‘ పై ప్రెసెంటేషన్ ఇచ్చారు. ఈ కార్యక్రమం హెచ్ మ్యాట్ తో కలిసి సంయుక్తంగా నిర్వహించడానికి సహకరించిన , విజయ డయాగ్నోస్టిక్స్ చైర్మన్ డా. యస్ .సురేందర్ రెడ్డి మరియు సి. ఇ. ఒ. సుప్రిత రెడ్డి గారికి అసోసియేషన్ అధ్యక్ష , ప్రధాన కార్యదర్శులు ధన్యవాదములు తెలిపారు. విజయ డయాగ్నోస్టిక్స్ వారు డిన్నర్ స్పాన్సర్ చేసారు.
చివరగా హెచ్ మ్యాట్ తరపున కార్యక్రమం స్పాన్సర్ , రాజ్ కిషోర్ కపూర్ చారిటీస్ మేనేజింగ్ ట్రస్టీ , వై. యస్. వి. ప్రసాద్ ను మరియు విజయ డయాగ్నోస్టిక్స్ మార్కెటింగ్ టీమ్ , టి . రాఘవేంద్ర , టి. విజేందర్ సింగ్ , టి. మల్లిఖార్జున్ రెడ్డి , ఎ. యస్ .అరుణ్ కుమార్ లను సత్కరించారు. హెచ్ మ్యాట్ సాంకేతిక సలహాదారుడు డా. సి.వి. స్వామి ముగింపు సందేశం ఇవ్వగా , ఆర్గనైజింగ్ సెక్రటరీ డా. గౌతమ్ రాళ్లబండి వందన సమర్పణ తో కార్యక్రమం ముగిసింది . అసోసియేషన్ గవర్నింగ్ కౌన్సిల్ సభ్యులు , హోమియో ప్రాక్టీషనర్స్ , వైద్య విద్యార్థులు అధిక సంఖ్యలో పాల్గొన్నారు.
