విజయారెడ్డి జన్మదినం సందర్భంగా సేవా కార్యక్రమం
ఖైరతాబాద్ మేజర్ న్యూస్: కాంగ్రెస్ నాయకురాలు, ఖైరతాబాద్ మాజీ కార్పొరేటర్ పి. విజయారెడ్డి జన్మదినాన్ని పురస్కరించుకుని జూబ్లీహిల్స్‌ డివిజన్ పరిధిలోని ఇందిరానగర్‌లో ఆదివారం సేవా కార్యక్రమం నిర్వహించారు. పి. మోహన్‌ యాదవ్ నాయకత్వంలో జరిగిన ఈ కార్యక్రమంలో జీహెచ్‌ఎంసీ పారిశుధ్య కార్మికులకు చీరలు పంపిణీ చేయడంతో పాటు భోజనం ఏర్పాటు చేశారు. ప్రజారోగ్యం, పరిసరాల పరిశుభ్రత కోసం నిరంతరం శ్రమించే పారిశుధ్య కార్మికుల సేవలను గుర్తించి, వారికి గౌరవం అందించాలనే ఉద్దేశంతో ఈ కార్యక్రమం చేపట్టినట్లు నిర్వాహకులు తెలిపారు. జన్మదిన వేడుకలను సేవా కార్యక్రమాల ద్వారా జరుపుకోవడం సంతోషంగా ఉందన్నారు. సమాజంలోని అన్ని వర్గాల సంక్షేమానికి ఇలాంటి కార్యక్రమాలు దోహదపడతాయని పేర్కొన్నారు. ఈ కార్యక్రమంలో కాంగ్రెస్ నాయకులు లడ్డు రాజ్‌ యాదవ్, సత్తి గౌడ్, శివ గౌడ్, జూబ్లీహిల్స్‌ డివిజన్ మహిళా విభాగం అధ్యక్షురాలు భవానీ బాబా గౌడ్, లక్ష్మీ రెడ్డి, సుకన్య, శంకర్‌, బాబ్లు యాదవ్, వెంకటేష్‌, శ్రీనివాస్‌, పవన్‌ పటేల్‌, రామకృష్ణ, మహేశ్వర్‌, చింటు, వీర నరేష్‌ తదితరులు పాల్గొన్నారు.
