పాత జ్ఞాపకాలకు ఆత్మీయ పలకరింపు

నవాబుపేట సూర్య న్యూస్:మండల పరిధిలోని యన్మన్‌గండ్ల ప్రభుత్వ ఉన్నత పాఠశాలలో 1999-2000బ్యాచ్‌ పూర్వ విద్యార్థుల ఆత్మీయ సమ్మేళనం ఆదివారం ఘనంగా నిర్వహించారు.ఈ సందర్భంగా పూర్వ విద్యార్థులు పాఠశాలలో గడిపిన మధుర క్షణాలను,నాటి అనుభవాలను నెమరువేసుకుంటూ ఆనందంగా గడిపారు.ఎన్నో ఏళ్ల తర్వాత ఒకచోట కలుసుకోవడంతో పాత స్నేహితుల మధ్య ఆత్మీయత వెల్లివిరిసింది.ఈ సందర్భంగా అప్పటి ఉపాధ్యాయులను పూర్వ విద్యార్థులు ఆప్యాయంగా పలకరించారు.విద్యార్థి దశలో ఉపాధ్యాయులు అందించిన బోధనలు,క్రమశిక్షణ,విలువలు తమ జీవితాలకు ఎంతో ఉపయోగపడ్డాయని గుర్తుచేసుకున్నారు.పాఠశాల రోజుల్లోని సరదా సంఘటనలను పంచుకుంటూ సందడి చేశారు.పాత స్నేహాలను మళ్లీ చిగురింపజేసుకున్న ఈ సమ్మేళనం అందరిలోనూ ఆనందాన్ని నింపింది.ఈ కార్యక్రమంలో అప్పటి ఉపాధ్యాయులు జానకిరామ్ రెడ్డి,లక్ష్మణ్,అర్జున్, రామలింగం,మల్లికార్జున్,సిద్ధిలింగం,రమాదేవి,జనార్ధన్‌ పూర్వ విద్యార్థులు గిరి,రాజు,నవీన్,ఖాదర్ పాషా,రాజు,మధుసూదన్,జైపాల్ తదితరులు పాల్గొన్నారు.