*అభివృద్ధిని చూసి ఓర్వలేకే మంత్రిపై అసత్య ఆరోపణలు*

అల్లాదుర్గం;అందోల్ నియోజక వర్గంలో రూ.2 వేల కోట్లకు పైగా అభివృద్ధి పనులు కొనసాగుతున్నా యని అభివృద్ధిని చూసి ఓర్వలేకే ప్రతిపక్ష పార్టీలు రాష్ట్ర వైద్యారోగ్య శాఖ మంత్రి దామోదర రాజనర్సింహ పై విమర్శలు చేస్తున్నారని షేక్ జలీల్ మండిపడ్డారు. బుధవారం నియోజకవర్గం లో ఆయన మాట్లాడుతూ... ఢిల్లీ శాంగ్రిలా హోటల్లో రాష్ట్ర మంత్రి దామోదర రాజనర్సింహ, జుక్కల్ ఎమ్మెల్యే తోట లక్ష్మీకాంతారావు మధ్య వాగ్వాదం జరిగిందంటూ మీడి యాలో వస్తున్న కథనాలలో నిజం లేదన్నారు. అందోల్ నియోజకవర్గంలో రూ.2 వేల కోట్లకు పైగా అభివృద్ధి పనులు కొనసాగుతున్నాయని, వాటిపై చర్చించకుండా నిరాధార ఆరోపణలకు ప్రాధాన్యం ఇవ్వడం సరికాదన్నారు. మంత్రి దామోదర రాజనర్సింహ సహనం, ఓర్పు, క్రమశిక్షణ కలిగిన నాయకుడని, ఎంత ఎదిగినా ఒదిగి ఉండాలనే లక్షణాలను పార్టీ నాయకులకు నేర్పించారని గుర్తు చేశారు.రాజకీయంగా ఎదిగేందుకు అవకాశం కల్పించిన నాయకుడి గౌరవాన్ని మరిచి మాట్లాడటం తగదని హితవు పలికారు. బీఫాం ఇచ్చి రాజకీయాల్లో నిలబెట్టిన నాయకుడి పట్ల కృతజ్ఞతతో ఉండాలని సూచించారు. నాయకుడి గొప్పతనంతో బీఫాం లభిస్తుందని, ప్రజల ఆశీర్వాదంతో విజయం సాధిస్తారని, ఎదిగాక కృతజ్ఞత మరిచిపోవడం రాజకీయ అహంకారానికి నిదర్శనమని వ్యాఖ్యానించారు. మంత్రి దామోదర రాజనర్సింహ నాయకత్వాన్ని విమర్శలతో తగ్గించలేరని, ఆయన అభిమానుల ఆత్మగౌరవాన్ని తక్కువ అంచనా వేయవద్దని షేక్ జలీల్ హెచ్చరించారు.