మాడుగులలో ప్రశాంతంగా ముగిసిన ప్రాదేశిక ఎన్నికల పోలింగ్: 72 శాతం నమోదు

మేజర్ న్యూస్ వి  మాడుగుల మండల పరిధిలో గురువారం జరిగిన ప్రాదేశిక ఎన్నికల పోలింగ్ ఎటువంటి అవాంఛనీయ సంఘటనలు లేకుండా పూర్తి ప్రశాంత వాతావరణంలో సజావుగా ముగిసింది. గత కొద్ది రోజులుగా మండలంలో ఎడతెరిపి లేకుండా వర్షాలు కురుస్తుండడంతో, వాతావరణాన్ని దృష్టిలో పెట్టుకుని ఓటర్లు ఉదయం నుంచే పోలింగ్ కేంద్రాల వద్ద బారులు తీరారు. తమ ఓటు హక్కును వినియోగించుకునేందుకు గ్రామీణ ప్రజలు, మహిళలు విశేష ఆసక్తి కనబరిచారు.

ఓటరు స్లిప్పుల పంపిణీలో ఇబ్బందులు పోలింగ్ ప్రక్రియ సజావుగా సాగినప్పటికీ, కొన్ని ప్రాంతాల్లో ఓటరు స్లిప్పుల పంపిణీలో గందరగోళం నెలకొంది. ప్రధాన పార్టీల ప్రతినిధులు అన్ని ప్రాంతాలలో ఓటర్లకు స్లిప్పులను పూర్తిస్థాయిలో అందించకపోవడంతో ఓటర్లు ఇబ్బందులు ఎదుర్కొన్నారు. దీంతో రంగంలోకి దిగిన రెవెన్యూ యంత్రాంగం, పలు పార్టీల కార్యకర్తలు క్షేత్రస్థాయిలో తిరిగి అర్హులైన వారందరికీ సకాలంలో ఓటరు స్లిప్పులు చేరేలా తీవ్రంగా శ్రమించాల్సి వచ్చింది.మొత్తం సెగ్మెంట్లు: 21,మొత్తం ఓటర్ల సంఖ్య: 56,538,పోలైన ఓట్లు: 40,741 (సుమారు 72%)పురుషులు, మహిళలతో పాటు ఒక ట్రాన్స్‌జెండర్ ఓటరు తమ ఓటు హక్కును వినియోగించుకున్నారు.పోలింగ్‌కు దూరంగా ఉన్నవారు: 15,797 మందిమండలవ్యాప్తంగా 72 శాతం మేర భారీగా పోలింగ్ నమోదు కావడంపై అధికార యంత్రాంగం సంతృప్తి వ్యక్తం చేసింది. ఎలాంటి ఘర్షణలకు తావులేకుండా ఎన్నికలు విజయవంతంగా ముగియడంతో అధికారులు, ప్రజలు ఊపిరి పీల్చుకున్నారు.