17 మంది లబ్ధిదారులకు రేషన్ కార్డులు అందజేసిన వైస్ చైర్మన్ జూపల్లి రమేష్ బాబు- అశ్వారావుపేట మున్సిపాలిటీలో ఇప్పటివరకు 250 రేషన్ కార్డుల పంపిణీ

సూర్య,అశ్వారావుపేట: భద్రాద్రి కొత్తగూడెం జిల్లా అశ్వారావుపేట మున్సిపాలిటీ కార్యాలయంలో గురువారం కొత్త రేషన్ కార్డుల పంపిణీ కార్యక్రమం నిర్వహించారు. మున్సిపల్ వైస్ చైర్మన్ జూపల్లి రమేష్ బాబు చేతుల మీదుగా మరో 17 మంది లబ్ధిదారులకు రేషన్ కార్డులు అందజేశారు.

అశ్వారావుపేట మున్సిపాలిటీగా ఏర్పడిన తర్వాత ఇప్పటివరకు మొత్తం 250 రేషన్ కార్డులను అర్హులైన లబ్ధిదారులకు పంపిణీ చేశారు. అర్హులైన కుటుంబాలకు ప్రభుత్వ సంక్షేమ పథకాల ప్రయోజనాలు అందేలా కృషి చేస్తున్నామని ఈ సందర్భంగా జూపల్లి రమేష్ బాబు తెలిపారు.

ఈ కార్యక్రమంలో కాంగ్రెస్ యువజన నాయకుడు ప్రమోద్, కాంగ్రెస్ అశ్వారావుపేట టౌన్ అధ్యక్షుడు నండ్రు రమేష్, 10వ వార్డు కౌన్సిలర్ మిండా హరిబాబు, దండాబత్తుల రమేష్, షేక్ సయ్యద్ బాజీ,నార్లపాటి రాంబాబు, ఆళ్ల సత్తిబాబు , అల్లిగూడెం సర్పంచ్ కుంజా శ్రీను తదితరులు పాల్గొన్నారు.

సూర్య రిపోర్టర్ మునీర్ అశ్వరావుపేట